Madaxweyne Xasan Sheekh Maxamuud iyo wafdigiisa oo soo gabo gabeeyay socdaalkii Beledweyne

Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud iyo wafdigii la socday oo maalmihii dhawaa howlo shaqo u joogay magaalada Beladweyne ayaa maanta soo gabo gabeeyay, kadib wada hadallo ay la galeen odoyaasha dhaqanka ee gobolka Hiiraan.

Madaxweyne Xasan Sheekh Maxamuud iyo wafdigiisa ayaa kulamada ay la qaateen odoyaasha dhaqanka waxa ay ku soo gabo gaboobeen intooda badan guulo la taaban karo, waxaana la isku raacay in si wada jir ah looga qeyb qaato dhismaha gobollada Shabeelaha dhexe iyo Hiiraan.

Wasiirka Arrimaha gudaha iyo Federaalka ee Xukuumadda Soomaaliya Mudane Cabdiraxmaan Maxamed Xuseen Odowaa ayaa Warbaahinta u sheegay in guulo ay ku soo dhamaadeen kulamadii gaar gaarka ahaa ee lala qaatay odoyaasha dhaqanka.

Wasiirku waxa uu xusay in odoyaasha dhaqanka qaarkood ay ogolaadeen inay ka qeyb qaataan shirka lagu dhisayo Gobollada Hiiraan iyo Shabeelaha Dhexe, isagoo intaa ku daray in dowladda ay ka go’antahay sidii wada hadal ay ula geli lahayd dadka ka maqan shirka.

“Shirka waxaan odoyaasha isla gaarnay waxaa ka mid ah in odoyaaha dhaqanka loo dhaafo hagidda maamulida shirka, In odoyaashu ay ku laabtaan laga bilaabo beri oo ay aadaan Jowhar iyo in inta dhiman wada hadal lagu dhameeyo”ayuu yiri Wasiirka Arrimaha gudaha.

LEAVE A REPLY

Please enter your comment!
Please enter your name here