Madaxweyne Xasan Sheekh oo dhaawacyo Muqdisho ka sagootiyey (Sawirro)

0
4471

Madaxweynaha Jamhuuriyadda Federaalka Soomaaliya, mudane Xasan Sheekh Maxamuud, ayaa maanta inta uusan u amba-bixin magaalada Dhuusamareeb, waxa uu garoonka Muqdisho ku sii sagootiyey qaar ka mid ah dhaawacyada ku waxyeeloobay qaraxii 22-kii Jannaayo ka dhacay Hotel Central ee magaalada Muqdisho.

Dhaawacyadan ayaa loo qaaday waddanka Boqortooyada Sacuudiga kaddib markii ay Muqdisho ay soo gaareen laba diyaaradood oo dadkaasi qaaday, waxaana sagootinta dadka dhaawacyada ka qeyb-galay madaxweyne Xasan Sheekh Maxamuud iyo wasiirro ka tirsan Xukuumadda Federaalka Soomaaliya, madaxweynaha ayaana dhaawacyada ALLE uga baryey inuu caafimaad siiyo, ugana mahadceliyey dowladda Sacuudiga sida ay umadda Soomaaliyeed u caawiyeen.

Wasiirka Caafmaadka Xukuumadda Federaalka Soomaaliya, Drs Xaawo, ayaa sheegtay in dadka la qaaday guud ahaan ay yihiin 21-ka qof oo 18 ka mid ah ay yihiin dadkii ku dhaawacmay Qaraxii ka dhacay Central Hotel ee Muqdisho.

Wasiiru dowlaha Arrimaha Dibedda Soomaaliya, Khaalid Cumar Cali oo ka qeyb-galay sagootinta kana mid ahaa masuuliyiintii ku howlanaa sidii dadka dhaawacyada ah loo qaadi lahaa ayaa tilmaamay in dadaal iyo wada hadal dheer kaddib ay dowladda Sacuudiga akhbashay in ay dhaawacyadan dalkeeda u qaaddo si loogu soo dabiibo, waxa uu intaa raaciyey in Xukuumadda Soomaaliya ay si kal iyo laab ah uga mahadcelineyso dowladda Sacuudiga, welina ay jiraan wadamo diyaar u ah in ay arrintan dowladda Soomaaliya wax kala qaban doonaan.

Dadkan loo qaaday waddanka Sacuudiga ee dhaawacyada qaba, ayaa u baahnaa gargaar caafimaad oo dibedda ah, taas oo ay dowladda Federaalka Soomaaliya dadaal badan ku bixisay sidii dadkaasi loo caawin lahaa oo hadda in badan oo ka mid ah lagu guuleystay.

vlcsnap-2015-03-24-19h54m35s122

vlcsnap-2015-03-24-19h51m30s3

vlcsnap-2015-03-24-19h51m49s16

vlcsnap-2015-03-24-19h52m03s152

vlcsnap-2015-03-24-19h52m42s6

vlcsnap-2015-03-24-19h53m44s49

vlcsnap-2015-03-24-19h54m20s234

vlcsnap-2015-03-24-19h54m35s122

vlcsnap-2015-03-24-19h54m49s22

vlcsnap-2015-03-24-19h55m02s139

Did you like this? Share it:

LEAVE A REPLY

Please enter your comment!
Please enter your name here