Madaxweyne Xasan Sheekh Maxamuud oo xarigga ka jaray xarumo dib u dhis lagu sameeyay

3509

Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud ayaa maanta xarigga ka rajay xarumaha Wasaaradda Shaqada iyo Arrimaha bulshada iyo tan howlaha guud oo dhawaan dib u dhis lagau sameeyay.

Madaxweynaha oo ay wehliyaan xubno ka tirsan labada gole ee dowladda, Guddoomiyaha gobolka Benaadir, Taliyaha ciidanka Booliska iyo mas’uuliyiin kale waxa uu ugu horeyn kormeer howleed ku tegay qeybta guud booliska gobolka Benaadir, halkaasi oo u salaan sharaf kaga qaatay cutubyo ka tirsan ciidanka booliska.

Madaxweynaha iyo xubnaha la socday waxa ay warbixinno ka dhageysteen taliyaha qeybta guud booliska gobolka Benaadir Jeneral Cali Xirsi Barre Cali Gaab, oo madaxda uga warbixiyay saldhigyada ciidanka booliska ee 17-ka degmo ee gobolka benaadir iyo sida ay ciidamada u sugayaan ammaanka caasimadda.

Intaas kadib Madaxweynaha iyo wafdiga uu hogaaminayo waxa ay kormeer ku tegeen xarumaha labada Wasaaradood ee kala ah Holwaha guud iyo Shaqaalaha, waxa uu warbixin ka dhageystay labada Wasaaradood, oo Madaxweynaha u sharxay dib u dhiska lagu sameeyay.

Mudane Xasan Sheekh Maxamuud ayaa madaxda labada Wasaaradood ku bogaadiyay dib u dhiska ay ku sameeyeen xarumahooda, waxaana mas’uuliyiinta kale ka dalbaday inay dib u dhistaan xarumaha Wasaaradaha ay u magacaaban yihiin.

Sidoo kale xarunta Wasaaradda Shaqada iyo arrimaha bulsahda ayaa lagu qabtay munaasabad lagu weyneynayay xuska maalinta shaqaalaha Adduunka ee 1-da May.

 

Did you like this? Share it:

LEAVE A REPLY

Please enter your comment!
Please enter your name here