Madaxweyne Xasan Sheekh: way adagtahay in si fudud loo dhiso maamul haddii aanan la helin kaalinta shacabka

1190

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa Magaalada Baladweyn ee Xarunta Gobolka Hiiraan kulamo kula leh Maamulka Gobolka iyo Odayaasha Dhaqanka.

Madaxweynaha iyo Wafdigiisa ayaa la kulmay Odayaasha Dhaqanka iyo Qeybaha kala duwan ee Bulshada, iyagoo kala hadlay xoojinta nabadda iyo dar-Dar galinta Dhismaha Maamulka Gobollada Hiiraan iyo Shabeellaha Dhexe.

Dhanka kale Madaxweyne Xasan Sheekh Maxamuud ayaa Shacabka Gobolka Hiiraan u sheegay in ay adag tahay in si fudud loo sameeyo maamul ay dadku u Dhanyihiin hadaanan la helin shacabka Gobolka hiiraan kaalintooda.

Guddoomiyaha Cusub ee Gobolka Hiiraan Yuusuf Axmed Hagar {Dabageed} ayaa sheegay dhankiisa in uu ka shaqayn doono nabadeenta Gobolka iyo Xoojinta Maamulka  loo dhisayo Hiiraan iyo Shabeellaha Dhexe.

Muddo kooban ayay joogi doonaan Wafdiga Madaxweynaha Jamhuuriyadda Soomaaliya Magaalada Baladweyn ee Xarunta gobolka Hiiraan.

Xaladda Guud ee Magaalada Baladweyn ayaa lagu soo warramayaa inay daggan tahay isla markaana waddooyinka muhiimka ah ee Magaalada la dhigay Ciidamo si gaarka u adkeeya ammaanka.

 

 

 

 

Did you like this? Share it:

LEAVE A REPLY

Please enter your comment!
Please enter your name here