Madaxweyneyaasha Hirshabeelle iyo Koonfurgalbeed oo lagu soo dhaweeyay Garoonka Muqdisho “SAWIRRO”

0
1858

Madaxweynaha Dowlad Goboleedka Hirshabelle Dr Maxamed Cabdi Waare ayaa maanta soo gaaray Magaalada Muqdisho, kaddib safar shaqo oo maalma qaatay uu ku maqnaa magaalada Nairobi ee Dalka Kenya, waxaana Garoonka Caalamiga ah Aadan Cadde ku soo dhoweeyay Xubno ka tirsan labada gole ee Dowladda Federaalka, iyo Mas’uuliyiin ka tirsan Hirshabelle, Waxaana Safarka ku wehlinayay Madaxweynaha Koonfur Galbeed Soomaaliya Mudane Shariif Xasan Sheekh Aadan oo ay iskala soo ambabaxeen Dalka Kenya.

Madaxweynaha Dowlad Goboleedka Hirshabelle Dr Maxamed Cabdi Waare ayaa Mudada uu joogay magaalada Nairobi halkaasi kulamo kula soo qaatay qaar ka mid ah Ururada Caalamiga ee daneeya arrimaha Soomaaliya kuwaasi oo ay ka wada hadleen Arrimo kale duwan oo la xiriira Horumarinta shaqaalaha Hirshabelle, Dib-u-dhiska iyo fulinta Mashaariicyo horumarineed oo laga hirgaliyo Deegaanada Hirshabelle.

Dr Maxamed Cabdi Waare ayaa ururka Midowga Yurub Kulan ay wada qaateen ku lafa guray muhiimada Hirshabelle ay u leedahay dhisida iyo tayeynta Ciidamada Boliiska Hirshabelle, xili tababar uu u socdo Dufcadii ugu horeysay Ciidamada Boliiska Hirshabelle, waxaana ay isla garteen in xoogga la saaro ka mira dhalinta xaqiijinta ammaanka iyo tayeynta Ciidanka oo Aasaas u ah sal u dhigida amniga Deegaanada Hirshabelle.

Maalmaha soo socda ayaa lagu wadaa Mudane Waare in uu Gaaro magaalada Beydhabo ee Xarunta KMG ah ee Dowlad Goboleedka Koonfur Galbeed Soomaaliya halkaasi oo kaga qeyb galayo shirka golaha Amniga Qaranka oo uu qorshuhu yahay in uu ka dhaco magaaladaasi, kaasi oo ay ka qeyb galayaan Madaxda Dowlad Goboleedyada dalka  ka jira iyo Dowladda Federaalka Soomaaliya.

Did you like this? Share it:

LEAVE A REPLY

Please enter your comment!
Please enter your name here