Madaxweynihii hore ee Soomaaliya Shariif Sheekh Axmed oo rajo wanaagsan ka muujiyay qabsoomidda shirka lagu balansanyahay

Madaxweynihii hore ee Soomaaliya Shariif Sheekh Axmed ayaa sheegay in uu rajo wanaagsan ka qabo qabsoomidda shirka 20-ka bishan lagu balansanyahay ee looga hadlayo dhameystirka heshiiskii 17 September, si dalka ay uga dhacdo doorasho lagu wada qanacsanyahay.

“Waxaan rajeynayaa kulanka 20ka bishan loo madlan yahay, kaas oo looga hadlayo dhamaystirka heshiiskii doorasho ee 17 September inuu noqdo mid mira dhal ah oo guulaysta si dalku u galo marxalad doorasho oo nabdoon, raallina laga wada yahay, taasoo fure u noqon doonta in lagu qanco natiijada Doorashada”.ayuu yiri Shariif Sheekh Axmed.

Madaxweynihii hore ee Soomaaliya ayaa xusay in uu kalsooni buuxdo ku qabo dadaallada uu wado Ra’iisul Wasaaraha dalka Mudane Maxamed Xuseen Rooble ee ku aadan hanaanka doorashooyinka dalka.

“Waxaan sidoo kale kalsooni buuxda ku qabaa dadaalada socda ee xal u helidda arrimaha Doorashooyinka ee uu hormuudka ka yahay Ra’iisul Wasaare Maxamed Xuseen Rooble, anigoo aaminsan in Ra’iisul Wasaaraha lasiiyo fursad uu ku guto mas’uuliyadda weyn ee laga sugayo ee ah qabashada doorasho xor iyo xalaal ah”. Ayuu hadalkiisa ku daray Mudane Shariif Sheekh Axmed.

LEAVE A REPLY

Please enter your comment!
Please enter your name here