Maleeshiyaad hubeysan oo Ganacsato ku dilay deegaan ka tirsan Hirshabeelle

Kooxo hubeysan ayaa dad Shacab ah ku dilay meel u dhaw Galka Biyacadde oo hoos-taga magaalada Jowhar ee Xarunta dowlad Goboleedka Hirshabeelle.

Weerarkaan oo ahaa mid dhaba gal ah ayaa waxaa Kooxaha hubeysan ay rasaas ku fureen Gaari ay saarnaayeen Ganacsato u safartay deegaanka Biyacadde oo xilligaas dib uga soo laabanayay.

Guddoomiyaha degmada Cadalle Muuse Maxamed Kali oo la hadlay Radio Muqdisho ayaa sheegay in Kooxahaasi ay dileen 4 qof halka 8 kale oo ahaa dad rayid ah ay dhaawaceen, taas oo uu sheegay in ay tahay mid ku cusub deegaanka.

Guddoomiyha ayaa xusay in Ciidamada ammaanka ay ku raad joogaan Kooxihii falkaas ka dambeeyay,isagoo sheegay in dadki ku dhaawacmay weerarkaas loo soo qaaday magaalada Muqdisho si ay u helaan daryeel Caafimaad, waxaa uuna tilmaamay in ay baaritaanno ku wadaan waxa ay ahaayeen maleeshiyada falkaas geysatay.

LEAVE A REPLY

Please enter your comment!
Please enter your name here