Maleyshiyaad ka tirsan Argagixisada Al-shabaab oo isu soo dhiibay Dowladda.

0
2641

Wasiirka Wasaaradda Warfaafinta Dowlad Goboleedka Koonfur Galbeed Ugaas Xasan Cabdi Maxamed ayaa Wakaalada SONNA u sheegay in afar ka tirsan maleeshiyaadka Argagixisada Al-Shabaab ay isku soo dhiibeen Ciidamada Dowladda Federaalka iyo Maamulka Koonfur galbeed ee ku sugan degmada Bardaale ee Gobolka Baay.

Mudane Ugaas Xasan Cabdi Maxamed Wasiirka Warfaafinta Maamulka Koonfur Galbeed ayaa sheegay in maleeshiyada Al-Shabaab ee isa soo dhiibtay uu ku jiro ku-xigeenkii Horjoogaha Al-Shabaab ee u qaabilsanaa Gobolka Baay.

Wasiirka ayaa hadalkiisa intaasi ku daray in kooxaha Argagixisada Al-Shabaab dhabar jab ku tahay isas oo dhiibitaanka Horjoogahan iyo maleeshiyada la socota,waxayna muddooyinkii danbe noqdeen kuwo ka firxanayay howlgalada sida wada jirka ah u fulinayaan Ciidamada Xoogga dalka Soomaaliya iyo kuwa Koonfur Galbeed,taasoo keentay in Maleeshiyo badan oo ay saraakiil ku jiraan isku soo dhibaan Dowladda Soomaaliya iyo kuwa maamul Goboleedyada.

Afhayeenka Wasaaradda Amniga Gudaha ayaa dhawaan shaaciyay in Horjoogayaha ugu sareeya Al-Shabaab Axmed Diiriye uu yahay baxsad,islamarkaana uu ku dhuumaaleysanayo qeybo ka mid ah deegaanada Jubbaland.

Did you like this? Share it:

LEAVE A REPLY

Please enter your comment!
Please enter your name here