Maraykanka oo mar kale  ku hanjabay cunoqabatayn Turkiga ku soo rogo

203

Maraykanka ayaa mar kale ku hanjabay in uu cunoqabayno dhaqaale oo dheeraad ah ku soo rogi doono Turkiga, hadii uu sii dayn waayo Baadari Maraykan ah oo dalkaa ku xiran.

Andrew Brunson ayaa labada sanadood ku dhawaad ugu xidhan Turkiga Eedo ah inuu xiriir la leeyahay Ururo siyaasadeed.

Is maan dhaafka ka dhashay sii dayntiisa ayaa dhaliyey in labadaa dal ee gaashaan buurta Nato ka wada tirsani uu mid ba ka kale badeecadaha uu u dhoofiyo cashuuro dheeraad ah ku soo rogo sida BBC lagu qortey

Arintaasi waxay uga sii dartay in hoos u dhac yimaado lacagta Turkiga ee Lira-ha oo qiimaheedu hoos u dhacay saddex meelood meel tan iyo bishii Janaayo

Taasi oo dhalisay in aad loo xaraasho saamiyada sayladaha soo koraya iyo cabsi ah in dhaqaalaha aduunku hoos u dhac ku yaamada.

Lacagta Turkigu waxay hoos u dhicii qiimaheeda in yar ka soo kabatay horaantii todobaadkan markii xukuumaddu cashuuro dheeraad ah ku soo rogtay badeecadaha Maraykanku u dhoofiyo ee ay ka mid ka yihiin gawaadhida, khamriga iyo buurigu. Laakiin soo kabashada lacagta Turkiga weli waxa dul hoganaya cabsi hor leh oo ka dhalatay hanjabaadda Maraykanka.

Madaxweynaha Turkiga ayaa Todobaadki hore sheegay in ay soo Dhaweynayaa Xiriirada Cusub e Maalgashi iyo Ganacsi.

Dawlada Qatar ayaa Turkiga 15 bilyan oo Maalgashi heshiis ah la gashey iyadoo Qadar ay tahaey Dawladii ugu horeysay oo is garab taagta Turkiga

Todobaadkii hore ayaa Maraykanku laban laabay cashuuraha laga qaado birta Turkigu u dhoofiyo, Khamiistiina wasiirka maaliyadda Maraykanka, Steven Mnuchin, ayaa waxa uu yidhi “waxa jira qorshe kale oo aanu ka baaraan degayno in aanu meel marino hadii ay si dhakhso ah u sii dayn waayaan [Baadarigaa]”.

Xabsiga Brunson,

Turkigu waxa uu ku eedeeyey Brunson, oo madax ka ah Kaniisad yar oo ku taal Izmir, in uu xidhiidh la leeyahay ururka la xaaraantinimeeyey ee Kurdistan Workers Party iyo dhaqdhaqaaqa Gulen oo Turkigu ku eedeeyo in uu ka dambeeyey af-gembigii dhicisoobay laba sanadood ka hor.

Trump ayaa fariin uu ku qoray Twitter-ka waxa uu ku sheegay in Turkigu “ka danaysanayey Maraykanka sanado badan” iyo sidoo kale in Brunson yahay “wadani af-duuban”.

Bankiga dhexe ee Turkiga ayaa Isniintii sheegay in Bankiyada [gaarka loo leeyahay] ee dalkaas la siin doono lacagta naqadka ah ee ay u baahan yihiin si loo suurto geliyo in lacagtu ku dhex wareegto suuqa maaliyadeed ee dalkaas.

Hase ahaatee waxa jira calaamado muujinaya in hoos u dhaca qiimaha lacagta Turkigu durba uu ku fidayo dunida. Lacagta Rand ee Koonfur Afrika, ta Ruushka ee Rouble, Rupee-ga India iyo ta Indonesia ee Rupiah ayaa dhamaantood uu saameeyey baaxaa degga maaliyadeed ee Turkigu

Did you like this? Share it:

LEAVE A REPLY

Please enter your comment!
Please enter your name here