Mareykanka oo soo dhaweeyay go’aanadii ka soo baxay shirkii madasha

War saxaafadeed ka soo baxay wasaaradda arimaha dibadda ee dalka Mareykanka ayaa waxaa looga hadlay go’aanadii ka soo baxay shirkii madashada wadatashiga qaranka ee loogu magacdaray baaqa Muqdisho kaas oo maalin ka hor magaalada Muqdisho lagu soo gunaanaday.

Iyadoo mas’uuliyiinta Soomaalida lagu booriyay in ay heshiis kama dambeys ah oo ku saabsan qaabka doorashada  sanadka 2016  gaaraan 10 bisha Janaayo ee soo socota.

Mareykanka ayaa sheegay in madashada ay ku dadaashay sidii loo heli lahaa muwaafaqo loo dhan yahay isla markaana hufan iyo in sidii loo alkumi lahaa hanaan doorasho oo sharci ah loogu qaban lahaa Soomaaliya sanadka soo aadan ee 2016.

“Waxaan soo dhaweynaynaa mabaadi’da heshiiska baaqa Muqdisho kaas oo aasaas u ah hanaan doorasho oo dimoqraadi ah oo lamid ah kii 2012. Waxaan dhamaan ka qeybgaliyaasha ku boorinaynaa in ay muujiyaan sida ay ugu go’an tahay xal kama dambeyn ah in la gaaro 10 Janaayo 2016”. Ayaa lagu yiri war saxaafadeedka

Dowladda Mareykanka waxaa ay si xoogan u taageersan tahay go’aanka ah in aan mudo korarsi jirin  marka uu dhamaado waqtiga hey’adaha hadda jira, waxaana taageerayaan go’aankii golaha ammaanka ee qaramada midoobay kaas oo tirsigiisu ahaa 2232.

Sidoo kale waxaa la adkeynayaa xiriirka ka dhexeeya shacabka iyo dowladda Soomaaliya si loo dardargeliyo dib u dhiska wadanka iyo dadaalada horumarineed ee hadda ka socda dalka.

Mareykanka waxaa uu baaqi ku ahaan doonaa taageerada uu siiyo dadka iyo dowladda Soomaaliya, waxaana sii wadi doonaa taageeradaasi si loo xaqiijiyo dadaalada lagu soo celinaayo nabadda iyo midnimada si loo gaaro  mustaqbal ifiya

LEAVE A REPLY

Please enter your comment!
Please enter your name here