Mareykanka oo duqeyn ku dilay Maleeshiyaad ka tirsan Al-Shabaab

488

War ka soo baxay Taliska Ciidamada Mareynkanka ee Afrika ayaa lagu sheegay in Ciidamada Mareynkanka oo kaashanaya Dowladda Soomaaliya subaxnimadii isniinta oo taariikhda ku beegneyd 19-ka bisha March duqeyn ka dhan ah Kooxda argagixisada Al-Shabaab ka fuliyay meel u dhow deegaanka Mubaarak ee gobolka Shabeellaha hoose,waxaana halkaasi lagu dilay labo ka mid ah kooxda Al-Shabaab,saddex kalena waa lagu dhaawacay halka gaari looga bur buriyay duqeynta.

Dowladda Mareynkanka ayaa sheegtay iney sii wadi doonto taageerada ay siineyso Ciidamada Dowladda Soomaaliya iyo AMISOM si loo yareeyo qataraha Argagixisada Al-Shabaab loona bartilmaameedsado xarumahooda tababarka iyo goobaha kale ay ku dhuumaaleysanayaan ee Soomaaliya iyo guud ahaan Gobolka.

Iyadoo lala kaashanayo saaxiibada caalamka,Dowladda Mareynkanka waxaa go’an in la siiyo Ciidamada Qaranka Soomaaliya iyo AMISOM taageerada dagaalka ka dhanka ah rabshadaha kooxaha xagjirka ah,ayaa lagu yiri warsaxaafadeedka ka soo baxay Taliska Ciidamada Mareynkanka ee Afrika.

Maleeshiyada Al-Shabaab iyo Horjoogayaashooda ayaa ku dhuumaaleysanaya qeybo ka mid ah Gobollada dalka,iyagoo ka baqaya howlgalka wadajirka ay ku qaadayaan Ciidamada Xoogga dalka Soomaaliyeed,AMISOM iyo Ciidamada Mareynkanka ee caawinaya.

SONNA

Did you like this? Share it:

LEAVE A REPLY

Please enter your comment!
Please enter your name here