Markab gargaar sida oo Turkiga ku wareejiyay Soomaaliya-Sawirro

10359

Sadex iyo toban kun oo tan oo  isugu jira raashiin nafaqeysan iyo dawo ayuu sitaa markabkan, kaas oo ah deeq ka timid shacabka dalka Turkiga, waxaana soo gaarsiiyay Soomaaliya hey’adda bisha cas ee dalkaas.

Danjiraha Turkiga ee Soomaaliya Olgan Bekar, oo markabkan deeqda saaran tahay ku wareejiyay dowladda Soomaaliya ayaa sheegay in Turkiga uusan gargaar kaliya ku ekaaneynin ee mashaariic horumarineed oo dhowaan dalka ay ka bilaabi doonaan.

Olgan Bekar, danjiraha Turkiga ee Soomaaliya ayaa sidoo kale xusay in deeqdan ay qeyb ka tahay howlaha samafal ee hey’adaha Turkiga ku kaalmeynayo dadka Soomaaliyeed ee abaaruhu saameeyeen.

Wasiir  ku xigeenka wasaaradda gargaarka iyo maareynta musiibooyinka ee xukuumadda Soomaaliya mudane Cilmi Cumar Ceynsane ayaa dowladda iyo shacabka Turkiga ugu mahadceliyay is garab istaagooda xilliyada ay caawimaada u baahan yihiin, isagoona xusay in deeqdan la gaarsiin doono dhammaan gobolada dalka.

Mudane Ceynsane, ayaa sidoo kale tilmaamay in Turkiga uu yahay walaal ay leeyihiin dadka Soomaaliyeed. isagoo tilmaamay in ay bilaabeen qeybinta raashiinkan.

Dowladda Turkiga ayaa kamid ah dalalka si weyn u kaalmeeya dadka Soomaaliya , iyadoo deeqdan ay ku soo aadeyso xilli dad badan oo Soomaaliyeed ay u baahan yihiin gargaar bani’aadanimo.

 

        

 

 

Did you like this? Share it:

LEAVE A REPLY

Please enter your comment!
Please enter your name here