Markab xamuul ah oo afduub loogu heystay xeebaha gobolka Bari oo la sii daayay

Markab xamuul ah oo ay afduub u heysteen dableey hubeysan ayaa lagu soo waramayaa in la sii daayay fiidnimadii xalay.

Odayaasha deegaanka Caluula ayaa sheegay in ay dableyda ku qanciyeen in ay sii daayaan markabka iyo shaqaalaha saaran, iyadoo an la siinin wax lacag madax furasha ah.

Markabka oo siday shidaal ayaa kooxahan hubeysani waxa ay Isniintii ka qafaasheen xeebaha gobolka Bari.

Afduubka markabka ayaa ah kii ugu horeeyay ee xeebaha Soomaaliya ka dhaca muddo 5 sano ah.

Dableyda afduubatay markabkaasi ayaa ku andacootay in ay yihiin kalluumeysato dhibaato badan kala kulmay maraakiibta sidda sharci darrada ah uga jillaabata xeebaha dalkeena.

 

Did you like this? Share it:

LEAVE A REPLY

Please enter your comment!
Please enter your name here