Marwada Madaxweynaha Dalka Marwo Sahro oo kulan afur ah u sameysay haween

3865

Kulankaani afurka ah ee qaar kamid ah haweenka soomaaliyeed ay u sameysay marwada Madaxweynaha Sahro Cumar Xasan ayaa waxa looga hadlay sida haweenku  ay door muuqda ugu yeelan karaan doorashooyinka la filaayo in ay dhamaadka sanadkaan ay ka dhacaan dalka.

Qaar kamid ah haweenkii kulanka lagu casuumay oo ay ka mid ahaayeen Xildhibaanno ka tirsan Baarlamaanka Soomaaliya ayaa kula taliyay haweenka in ay muujiyaan dadaal si ay uga mid noqdaan mudanayaasha Barlamaanka ee bedeli doono kuwa hadda jira.

Marwada Madaxweynaha Jamhuuriyada Federaalka Soomaaliya  Marwo Sahro Cumar Xasan ayaa uga warbixisay haweenka kulanka kasoo qayb galay safarkii dhawaan Madaxweynuhu ku tegey xeryaha qaxootiga dhadhaab ee dalka Kenya oo ay ku wehlinaysay.

“Waxaan ku soo aragnay xeryaha dhadhaab ee dalka Kenya dad Soomaaliyeed oo intooda badan ku dhashay Kenya, laakiin doonaaya in ay yimaadaan dalkooda Hooyo, balse aan fursad u helin in ay noolaadaan dalkooda waxaa waajib nagu ah sidii cartuurtaas aan dalkooda ugu soo celin lahayn”.ayay tiri Marwo Sahro.

Marwada Madaxweynaha  Sahro Cumar Xasan ayaa sidoo kale Haweenka u sheegtay in tirada hadda ay ku leeyihiin Baarlamaanka tiro ka badan ay ku yeelan doonaan dawladda soo socota.

“Waxaan rajeynayaa inta hada aan ku leenahay Baarlamaanka Soomaaliyeed in ka badan ay ku yeelan doonaan Baalamaanka soo socda, waxaan leenahay afartan xubnood” ayay Marwada Madaxweynaha hadalkeeda ku dartay.

 

 

 

 

Did you like this? Share it:

LEAVE A REPLY

Please enter your comment!
Please enter your name here