Marwada Madaxweynaha Jamhuuriyadda dalka oo hambalyo u dirtay Haweenka Soomaaliyeed

1298

Marwada Madaxweynaha Jamhuuriyadda dalka ayaa maanta hambalyo ku aadan Maalinta Haweenka Adduunka, gaar ahaan haweenka Soomaaliyeed u dirtay Haweenka.

Marwo Sahro Cumar Xasan oo la hadashay Warbaahinta Qaranka ayaa xustay in haweenka Soomaaliyeed ay yihiin kuwa u taagan horumarinta dalka, waxaana ay tilmaamtay in maanta oo kale ay haweenka ugu fadhiso qiimo gaar ah, maadaama ay ku beegantahay 8-da Maarso oo ah maalinta haweenka Adduunka.

“Waxaan u hambalyeynayaa haweenka Soomaaliyeed, meelkasta oo ay dunida ka joogaan, waa howl bowlihii Ummadda, waa hal abuurkii Ummadda, waa hooygii Ummadda, mala soo koobi karo sharafka hooyada Soomaaliyeed, maanta oo kale qiimo weyn ayay noogu fadhidaa, waa maalintii haweenka Adduunka, runtii tilmaamid waa ay ka dhanyihiin waan bogaadinayaa” ayay tiri Marwo Sahro Cumar Xasan.

Marwada Madaxweynaha Dalka ayaa sheegtay in ay jiraan talaabooyin horumar leh oo ay haweenka Soomaaliyeed xilligan soo hooyay, iyadoo ku boorisay inay sii labo jibaaraan dadaallada ay kaga qeyb qaadanayaan horumarka dalka.

Did you like this? Share it:

LEAVE A REPLY

Please enter your comment!
Please enter your name here