Marwada madaxweynaha oo  deeq gaarsiisay hooyo dhashay afar mataanno ah(Sawirro)

1813

Marwada Madaxweynaha Jamhuuriyadda Somalia, Marwo Sahro Cumar Xasan ayaa maanta deeq gurmad ah gaarsiiyey haweeney Soomaaliyeed oo dhashay Afar carruur  oo mataanno ah oo ku jira Isbitaal ku yaalla magaalada Muqdsho.

Marwada madaxweynaha booqashada ay ugu tagtay Hooyo Soomaaliyeed oo afar Carruur ah dhashay waxaa ku wehliyey xildhibaanno ka tirsan Barlamaanka Somali, Marwada ayaa xog weysi la yeelatay Xaaladda Caafmaad ee ay ku sugan  tahay hooyada afarta carruurta ah dhashay oo saddex ka mid ah ay ka geeriyoodeen, mid ka mid ahna carruurtaasi uu weli ku jiro Isbtaalka ay gacanta ku hayaan Dhaqaatiirta Masaarida ah oo ku yaalla magaalada Muqdisho.

Xubnaha Marwada la socdey ay ku jireen Xildhibaanno, Haweenka gobolka Banaadir iyo maamulka degmada Hodan ayaa dhamaantood Marwada madaxweynaha uga mahadceliyey booqashada ay  ugu timid hooyada Soomaaliyeed ee dhibaateysan, iyagoo sidoo kale shacbiga Soomaaliyeed ee uu ALLE wax siiyey  ug u baqay in ay ka qeyb qaataan gurmad u fidinta Hooyadaasi Soomaaliyeed.

Ugu dambeyntii marwada madaxweynaha Jamhuuriyadda Somalia, Sahro Cumar Xasan ayaa uga ku ammaantay una mahadcelisay Dhaqaatiirta Masaarida ah dadaalka ay ku galeen in ay caawiyaan hooyada Soomaaliyeed ee afarta carruurta ah mar wada dhashay, sidoo kale waxa ay xustay in lagama maarmaan tahay in shacabka Soomaaliyeed ay is gargaaraan waxa ayna ALLE uga bariday hooyada Soomaaliyeed ee Afarta mataanada ah dhashay in uu  caafmaad siiyo, iyagana ay garab taagan yihiin.

DSC02651 DSC02681 DSC02615 DSC02618 DSC02620 DSC02651 DSC02666 DSC02675 DSC02679 DSC02681 DSC02682 DSC02689

 

Did you like this? Share it:

LEAVE A REPLY

Please enter your comment!
Please enter your name here