Marwda Koowaad ee Madaxweynaha oo qalab dhismo ugu deeqday xarunta wasaaradda howlaha guud

0
2194

Marwada koowaad ee Madaxweynaha Soomaaliya ayaa deeq qalab dhisme ah gaarsiisay xarunta Wasaradda Howlaha guud oo hadda dhismaheedu ka socdo Muqdisho.

Marwada Koowaad ee Madaxweynaha Marwo Qamar Cali Cumar ayaa deeqda ay gaarsiisay xarunta Wasaaradda howlaha guud waxa ay ka koobneyd Shamiindo, Alwaax, biraha guryaha lagu shubo, carro iyo Jaay, iyadoo wakiillo ka socday Marwada ay ku wareejiyeen Wasiirka Wasaraddaasi Eng. Saalax Sheekh Cismaan, asigoo wasiirku ka warbixiyey halka
uu marayo dhismaha Wasaaradda oo socday maalmihii la soo dhafey.

Dr.  Maryan Maxamed Xuseen oo aheyd wakiilka  Marwada koowaad ee Madaxweynaha Dalka Qamar Cali Cumar ayaa ka warbixisay kaalmada qalabka dhimaha ah ee ay Marwo Qamar ugu deeqday Wasaaradda howlaha guud, iyadoo xustay in kaalmadani qeyb ka tahay tabarucaadda lagu dhisayo xarunta Wasaaraddaasi.

Eng. Saalax Sh. Cismaan Wasiirka Wasaaradda Howlaha guud, dib u Dhiska iyo guriyeeynta oo guddoomay qalabkaasi ayaa uga mahadceliyey Marwada Koobaad ee Madaxweynaha Soomaliya Qamar Cali Cumar sida ay hormuudka ugu noqotay gacan ka geysashada dib u dhiska xaruntii wasaradda howlaha guud, isagoo sheegay in qalabkani uu fududeeyey dhismihii Wasaradda oo agab la’aan u fadhiyey, wuxuuna ugu baaqay bulshada Soomaaliyeed ee kala joogta dalka iyo dibadda iney ka qeyb qataan dib u dhiska dalkooda.

Madaxweynaha Jamhuuriyadda Soomaaliya Mudane Xasan Sheikh Maxamuud ayaa kal hore ku dhawaaqey in si wada jir ah looga qeyb qaato mashruuca dalkaaga dhiso, waxana looga fadhiya muwaadiniinta Soomaaliyeed iney si waddaniyad leh uga qeyb qaataan dib u dhiska dalkooda.

Did you like this? Share it:

LEAVE A REPLY

Please enter your comment!
Please enter your name here