Masar iyo Suudaan oo si wada jira ah u diiday in Itoobiya ay bilowdo buuxinta labaad ee Biyo xireenka Wabiga Nile

Wasiirka waraabka dalka Masar ayaa sheegay in Isniintii uu ka helay ogeysiis rasmi ah dalka Itoobiya, kaas oo ku saabsan in ay bilaabatay buuxinta biyoxireenka weyn ee Al Nahda, kaasi oo socda sanadkii labaad.

war uu soo saaray Wasiir waraabka Masar ayaa lagu sheegay in biyo xireenkan uu khatar weyn ku yahay biyaha webigeeda Nile, kuwaas oo ay gebi ahaanba ku tiirsan yihiin shacabka Masar.

waddamada Masar iyo Suudaan ayaa muddooyinkii danbe waday olole diblomaasiyadeed oo ku saabsan heshiis sharci ah oo ku saabsan hawlgalka biyo xidheenkan, laakiin wadahadallada ay yesheen dalalkan ayaa marar badan hakad galay.

Itoobiya ayaa dhankeeda sheegtay inay ugu dambayntii adeegsanayso xuquuqdeeda ku aaddan biyaha webiga Nile oo muddo dheer ay maamulayeen waddamada dariska la ah.

Golaha Ammaanka ee Qaramada Midoobay ayaa la filayaa inay ka hadlaan arrintan Biyo xireenka Al-Nahda, maalinta Khamiista.

LEAVE A REPLY

Please enter your comment!
Please enter your name here