Mashaariic Horumarineed oo laga bilaabey Warshiikh +Sawiro

Magaalada Warsheekh ee Gobolka Shabeellada hoose ayaa ka soconaya Mashaariic lagu horumarinayo kaabayaasha dhaqaalaha, wax barshada, caafimaadka iyo bilicda degaanka.

Mashaariicda haatan ka socota ayaa waxaa ka mid ah Isbitaal, xarumo Wax barasho.

Dadka ku dhaqan Degmada iyo degaannada ku dhaw Warshiikh ,ayaa loo sameynayaa Dhismaha  wadada  isku xirta Degaanadaasi iyo dhismaha Waddada isku xirta Muqdisho iyo Warshiikh,mahaariicdaas ayaa waxaa hirgalinaya   hay’adda Critical  Hope  Foundation oo fadhigoodu yahay Waddanka Koonfur Afrika.

Dhawaan Wafdiga  ka socda Wadanka Koofur Africa  oo wada mashaariic kala duwan ee  lagu hormarinayo Gobolka Shabeelaha dhexe , gaar ahaan Degmada Warshiikh,   iyo maamulka Gobolka shabeelaha  dhexe kan degmada warshiiq wasiiro iyo xildhibaano ka tirsan maamul goboleed hir shabeele ayaa waxay  kormeer ku tageen, deegaano uu ka mid yahay  degaanka Qeyla weyne oo ka tirsan Degmada Warshiikh, kaasi  oo horay looga hir galiyay  iskuul hoose dhexe  iyo M C H oo  ay ka dhistay hey’adda givt of  givers ee laga leeyahay wadanka koofur africa   waxaana munaasabad  lagu soo dhaweynayay mashaariicdaasi  lagu hormarinayo degmada warshiikh gaar ahaan  gobolka shabeelaha dhexe lagu qabtay xarunta degmada warshiikh.

Gudoomiyaha Degmada Warshiikh  Axmed Xuseen Axmed [Axmed shiidka ] oo munaasada ka hadlay  ayaa ugu  mahadceliyay  masuuliyiinta ka socday  wadanka koofur afrika ee deegaanka  hir galinayo  howlaha hormarineed ,

‘Reer warshiikhow waxaad kudadaashaan waxbarashada iyo horumarka degmada, hadaad waxbarataan waxaa lagaarayaa horumar, waa in loo diraa carruurta iskuulada oo la iskuwadaa waxbarashada maadiga ah iyo tan diiniga ah’ ayuu yuru gudoomiyaha degmada warsheekh.

Mrs Nxumalo louisa oo ka socotay  Hay’adda critical hope foundation  ee wadanka koofur afrika  ayaa sheegtay in ay ka hirgalinayaa  mashaariic lagu hormarinayo Degmada Warshiiq  iyo Guud ahaan Gobolka shabeelaha dhexe.

‘waxaan soo arkay barwaaqo aad u ballaar oo kajirta Wadankaan soomaaliya, taasoo aan laga helin wadanka koonfurka afrika, laakiin idinku ma dareemeysaann, warsheekhna waa meel aad u qurxoon, waxaana isku afgaranay aniga iyo maamulka inaan iska kaashano dhanka horumarka ee degmada iyo guud ahaan gobolka.

Gudoomiyaha Gobolka Shabeelaha Dhexe Axmed Meyre Makaraan ayaa sheegay in loo baahanyahay shacabka ku nool gobolka shabeelaha dhexe ay ka qeyb qaataan howlaha  horumarineed ee ka soconaya  gobolka  .

‘waxaan ugu baaqayaa bulshada kudhaqan gobolka shabeelaha dhexe inay ka shaqeeyaan horumarka gobolka gobolkooda oo ay horumariyaan adeegyada aasaasiga ee gobolkooda.

Wasiirka Wasaaradda  Kaluumeysiga iyo kheyraadka  Badda  ee Dowlad Goboleedka  Hirshabeele  C/llaahi Macalin  Mustaf  ayaa  ka hadlay muhiimada howlaha mashaariicda ee lagu hormarinayo  degmada warshiiq  iyo guud ahaan gobolka

’ Reer warshiikhow waxaad ku dadaashaan waxbarashada iyo horumarka Degmada, haddaad waxbarataan waxaa la gaarayaa horumar, waa in loo diraa Carruurta Iskuulaadka, waana in la isku wadaa waxbarashada maadiga ah iyo tan Diiniga ah. ‘ ayuu  yiri wasiirka.

Meelo badan oo ka mid ah Gobolka Shabeellada dhexe ee Maamulka  Hirshabeele waxaa  ka soconaya  Horumar aad u Ballaaran, kuwaasoo kaalin weyn ka qaadanaya soo nooleynta dhaq-dhaqaaqyada ganacsi, caafimaad iyo wax barsho ee degaannadaas, waxana si weyn usoo dhaweeyeen Dadka halkaasi ku dhaqan.

Did you like this? Share it:

LEAVE A REPLY

Please enter your comment!
Please enter your name here