Mashaariic Horumarineed oo laga fulinayo Magaalada Cadaado

1023

Wafdi ka socda  Dowladda Turkiga ayaa gaaray Magaalada Cadaado ee Xarunta ku meel gaarka ah  Maamulka Galmudug,waxaana kusoo dhaweeyay Mas’uuliyiin ka tirsan Maamulka Galmudug.

Ujeedka Wafdiga ka socda Turkiga ee gaar ahaan Safaaradooda Soomaaliya ayaa lagu sheegay iney tahay hirgelinta Mashaariic horumarineed oo kala duwan sida qodista Ceel-biyoodyo iyo Waxbarasho oo shacabka si aad ah ugu baahan yihiin.

Mas’uuliyiintaan gaaray Magaalada Cadaado ee Xaruunta KMG ah ee Maamulka Galmudug ayaa balan qaaday wax ka qabashada Arrimaha bulshada dhawaana ay bilaabayaan hirgalintooda.

Guddoomiayah Magaalada Cadaado C/laahi C/raxmaan Tootoole iyo Xubnihii ka socday Turkiga ayaa si wada jira ula hadlay Warbaahinta Qaranka,waxayna carabka ku adkeeyeen in mashaariicda laga fulinayo magaaladaasi ay shacabka si weyn uga faa’idi doonaan.

Dowladda Turkiga ayaa kaalinta koowaad kaga jirta Dowladaha Caawiya Dowladda Federaalka ah iyo guuda ahaanba Shacabka Soomaaliyeed.

 

Did you like this? Share it:

LEAVE A REPLY

Please enter your comment!
Please enter your name here