Mashruuc lagu maal-galinayo ganacsatada yar-yar iyo kuwa dhexe oo heshiis laga gaaray 

GARGAARA Company Limited oo kaashanaya Dowladda Soomaaliya (Wasaaradda Maaliyadda), iyo Baanka Adduunka  ayaa maanta heshiis maal-gelineed la saxiixday Bankiyadda Ganacsiga qaarkood.

Heshiiskaas waxaa lagu maal-gelinayaa ganacsatada yar yar iyo kuwa dhexe, gaar ahaan dumarka iyo dhallinyaradda aanan fursad maal-galineed horey u helin si loo kobciyo dhaqaalaha wadanka waqtigaan xasaasiga ah ee COVID-19.

Maal-galintaan oo ah wajigeedii koowad ayaa gaarayso 20 Milyan oo dollarka Mareykanka ah, iyadoo ka qayb qaadan doonta horumarinta iyo koboca dhaqaalaha oo horumuud u yahay Ganacsiga. Maal-gelintaan, waxaa ka faa’iideysan doona ganacsatada heerar kooda kala duwan ee Soomaaliyeed, waxaana fulinaya Bankiyada Ganacsiga ee buuxiyay shuruudihii iskaashiga iyo hanaanka hufan (Due Diligence) ee GARGAARA ugu tala gashay maal-galintaan.

Bankiyadda IBS Bank, Amal Bank, iyo Premier Bank ayaa heshiiskan la saxiixday  GARGAARA Company Limited  oo maal-gelintaan wakiil uga ah Dowladda Federaalka Soomaaliya iyo Baanka Adduunka. Heshiiskan oo lagu fulinayo ilaa  saddexda sano ee soo socoto ayaa waxa uu xoogga saarayaa soo nooleynta ilaha dhaqaalaha muhiimka u ah dalka sida Beeraha, Kulluumeysiga, Xoolaha, iyo Tamarta. Waxaa kaloo maal-gelin lagu sameyn doonaa meelaha Caabuqa CORONA ay wax yeeleysay.

Dr. Cabdirisaaq Xasan oo ah Madaxa GARGAARA oo sharxay dhaqaalaha ku baxayo Mahsruucan, muhiimadiisa iyo faa’iidada uu u leeyahay ummaddeena ayaa sheegay inay ka faa’iideysan doonaan bulshada Soomaaliyeed, isla markaana Dowladda Soomaaliya iyo Baanka Adduunka ugu mahadceliyay taageerida maal-gelintaan.

Agaasimaha Fulinta  Bankiga IBS Cabdullaahi Maalin Axmed (Saalax)  iyo Maxamed Geeddi Jimcaale Agaasimaha Maalgalinta Premier Bank ayaa sheegay in ay ku fulin doonan muddada ay u qorsheysay dowladda maal-gelintaan.

Talaabadan ayaa ah mid dhinacyo badan ay uga faa’iideysan doonaan Shacabka Soomaaliyeed, isla markaana dhaqaalaha dalkeena ahmiyad weyn ugu fadhiso, iyadoo fursaddan ay tahay mid ay u siman yihiin shacabka Soomaaliyeed meel walbo ay dalka ka joogaan, ayna u gaarto si siman Maal-galintan.

 

LEAVE A REPLY

Please enter your comment!
Please enter your name here