Mashruuc Loogu Magac Daray Dib U Kabashada Waxbarashada Gobolka Banaadir Oo Muqdisho Laga Daah-Furay

Mashruucaan oo lagu magac daray dhisidda iyo dib u kabashada Waxbarashada Gobolka Banaadir oo hoggaan ay u tahay Wasaaradda Waxbarashada, Hidaha iyo Tacliinta Sare ee dalka oo ay maalgelinayo Hay’adda  Himilo Foundation oo ka shaqeysa horumarinta Waxbarshada ayaa maanta magaalada Muqdisho ka daah-furay Agaasimaha Guud ee Wasaaradda Waxbarashada dowladda Soomaaliya Axmed Xasan Yususf, kadib munaasbad lagu qabtay Muqdisho ayna ka qeybgaleen mas’uuliyiin iyo maamulada iskuulada mashruucan ka faa’iideysanaya.

Guddoomiyaha Hay’adda Himilo Foundation Axmed Xuseen Ducaale oo furitaanka ka hadlayay ayaa sheegay inay gacanta ku hayaan 13 iskuul oo ka mid ah dugsiyada ay dowladda Soomaaliya la wareegtay gacan ku heyntooda,wuxuuna muujiyay muhiimadda uu mashruucan uu u leeyahay waxbarashada ardayda Soomaaliyeed ee gobolka Banaadir

Maamulaha Iskuulka Deyniile Daahir Xasan Tooxoow iyo Cabdirisaaq Ibraahim Cabdi maamulaha iskuula 20-ka December ayaa balan qaaday inay sidii loogu talagalay ugu adeegi doonaan ardayda Soomaaliyeed ee wax ka barata iskuulada ay gacanta ku hayaan.

Agaasimaha guud ee Wasaaradda Waxbarshada Xukumadda Federaalka Soomaaliya Axmed Xasan Yuusuf ayaa sheegay in Wasaaraddu ay wado tayaynta waxbarshada dalka iyagoo guud ahaan iskuulada muqdisho ku yaaal lagu sameyay tiro koob si wax looga ogaado heerka ay gaarsiisanyihiin.

Hay’adda Himilo Foundation waxaa la aas aasay 2002,waxaana gacanta ku heysaa 13 iskuul oo ku yaalo caasimadda kana mid ah goobaha waxbarashada oo ay dowladda Soomaaliya dib ula wareegtay,sidoo kale waxaa haatan ay waxbarasho siisaa in kabadan sagaal kun oo ah arday Soomaaliyeed.

LEAVE A REPLY

Please enter your comment!
Please enter your name here