Masjid cusub oo laga dhisay xaafadda Tarbuush ee degmada Wadajir

1986

Masjidkaan  oo   in mudo ah socday dhismihiisa  ayaa laga hirgaliyay xaafadda  Tarbuush  ee Degmada Wadajir halkaasi oo ay ka jirtay  baahi Masjid oo ay qabeen dadka deeganka, iyadoo furitaanka masjidka ay ka soo qeyb galeen Mas’uuliyiin ay ka mid yihiin Xilibaan Qaliif  Cabdulqaadir Macalin Nuur, Guddoomiyaha Degmada Wadajir qaar kamid ah guddoomiyasha Degmooyinka gobalka Banaadir, culuma’udiin, ganacsato waxgarad iyo Dhallinyaro.

Qaar ka mid ah dadkii ka hadlay furitaanka masjidka ayaa ku bogaadiyay dadka Soomaaliyed ee dhaqaalaha heysta in ay badiyaan hirgelinta goobaha lagu cibaadeysto.

Ciise Cibaar Cismaan oo ah Ganacsade Soomaaliyed isla markaana ah shaqsiga hantidiisa ku yaboohay hirgelinta masjidka la furay xubina ka ah mu’asasada Macalin Nuur ayaa ka shakeeyay marxaladihii uu soo maray dhismaha masjidka.

“Masaajidkan wuxuu bilawday October sanadkii lasoo dhaafay 2014 maanta ayaana ma aragtay intiisa badan in kastoo wali wax kasii dhiman yihiin aana is leenahay wuu dhamaaday wuu dhawyahay saad darteed, waxaan rabaa in halkaan aan ugu mahad celiyay dhammaan ka soo qeyb gala yaasha culuma’udiinka, siyaasiyiinta sharafta leh oo ka soo qeyb gashay oo waliba qaarkood ay nala dhiseen masaajidkaan oo nala shaqeeyen” ayuu yiri Ciise Cibaar Cismaan.

Guddoomiyaha Degmada Wadajir Axmed Cabdule Afrax ayaa tilmaamay in hirgelinta masjidkani ay ka faa ‘iideysan doonan dadka ku nool deeganka, asagoo u mahad celiyay dadkii ka qeyb qaatay dhismaha masjidka cusub.

“Meel mudan in wax lagu bixiyo ayaad ku bixiseen waliba masaajida iyagoo guud ahaan mudan in la dhiso iyagoo guud ahaan ajir koodu badan yahay ayaa hadana dareemena halkaani iney baahi gaar ah ay u qabtay masaajida ee iney u qabtay in laga dhiso waxaan rajeynaya marka dadka halkaan kunoolna iney masaajidkan soo camiraan oo ay ka faa ideystaan” ayuu yiri Axmed Cabdule Afrax.

Xilibaan Qaliif C/qaadir Macalin Nuur oo kamid ah Xilbaanada Barlamaanka Soomaaliya oo gaba gabada goobta ka hadlay ayaa furay Masjidka laga hirgaliyay xaafada Tarbuushka Degmada Wadajir.

“Boqol kiiba sideetan qofkiiba cilmiga sii, boqol kiiba labaatan kaste tajwiijka halagu barto, haku sii bartaan anagaa bixineyne waadix Insha Allahu tacaala, waan gaba gabey neynaa mar labaad iyo mar saddexaad mashaa’iqda kuligood waan uwada mahad celineynaa iyo martida meesha ka soo qeyb gashay masaajidkana Isha Allahu tacaala waa furan yahay saacadaan laga bilaabo waa ku tu kuneynaa Insha Allahu tacaala”ayuu yiri Xilibaan Qaliif C/qaadir Macalin Nuur.

Did you like this? Share it:

LEAVE A REPLY

Please enter your comment!
Please enter your name here