Mas’uuliyiin ka socota Wasaaradda Cadaaladda Turkiga iyo Xeer ilaaliyaha Qaranka oo kormeeray Xabsiga Dhexe ee Xamar” Sawirro”

2098

Xubnahaan ka socday Wasaradda Cadaaladda dalka Turkiga  oo ay  wehliyaan  Xeer ilaaliyaha Guud ee Qaranka Axmed Cali Daahir iyo Guddoomiyaha Maxakamadda Gobolka Banaadir Xaashi Cilmi Nuur ayaa kormeer ku tagay Xabsiga Dhexe ee Xamar .

U jeedada kormeerkooda ayaa ahaa ka warqabka xaaladda Ciidanka Asluubta Soomaaliyeed iyo ogaanshiyaha xaaladaha dhabta ah ee ka jira xabsiga dhexe waxyaabaha ay u baahanyihiin in laga saacido Taliska Ciidanka Asluubta.

Mas’uuliyiinta ayaa intii ay halkaasi ku sugnaayeen waxaa ay kulamo la yeesheen Taliayah Ciidanka Asluubta Soomaaliyeed iyo saraakiil kale ayagoo isl soo hadal qaaday xaaladda xabsiyada, ciidanka iyo baahiayaha dhanka adeegyada ah si  wasaarada Cadaaladda Turkligaay uga qeyb qaadato haqabtirka baahiyahaasi.

Taliyaha Ciidanka Asluubta Soomaaliyeed Sareeye Guuto  Xusen Xasan Cismaan ayaa kulanka kaddib Warbaahinta Qaranka uga waramay booqashada Mas’uuliyiintan ay ku tageen Xabsiga dhexe isagoo xusay in weli ay sii socondoonaan kulamadaasi inta wefdiga uu jooga dalka.

Intaasi kaddib ayaa waxaa ay kormeer ku sameeyeey qeybaha uu ka kooban yahay xabsiga dhexe ee xamar si ay u arkaan xaaladda dhabta ah ee halkaasi kajira.

Wefdiga oo ka socday wasarada cadaalada turkiga oo shalay soo gaaray muqdisho ayaa horey ula kulmay wasiirka Cadaaladda Dowladda Soomaliya iyagoo kawada hadlay wadashaqeynta labada dhinac iyo taageero Turkiga uu siyo Wasaaradda si ay u dar-dargeliso howlaha horyaala.

vlcsnap-2015-04-08-12h35m58s45 vlcsnap-2015-04-08-12h36m26s67 vlcsnap-2015-04-08-12h35m41s127 vlcsnap-2015-04-08-12h33m40s199 vlcsnap-2015-04-08-12h33m18s233 vlcsnap-2015-04-08-12h33m23s22

Did you like this? Share it:

LEAVE A REPLY

Please enter your comment!
Please enter your name here