Mas’uuliyiin Ka Tirsan Dowlada Soomaaliya oo Gaaray Dalka Uganda”SAWIRRO”

0
1732

Wafdi ka socda dowlada Federaalka ah ee Soomaaliya oo isugu jiro mas’uuliyiin ka socda Xafiiska Madaxweynaha, Xafiiska Ra’iisal Wasaaraha Soomaaliya iyo Mas’uuliyiin ka kala socota Wasaaradaha Maaliyadda, Caafimaadka, Qorsheynta, Macdanta iyo Batroolka ayaa gaaray dalka Uganda.

Wafdigan ayaa waxaa sidoo kale ka mid ahaa Xubno ka socday Maamul goboleedka Soomaaliyeed ee Puntland.

Ujeeddada imaantinka mas’uuliyiintan ayaa ah aqoon kororsi ay bixineyso hay’ad lagu magcaabo African Legal Support Facility (ALSF),waxana uu socon doonaa muddo Lix maalmood ah,iyadoo ay ku baranayaan sida loo maamulo hishiisyada Caalamiga ah iyo kuwa dowladdu ay la gasho Muwaadiinta Soomaaliyeed, Isku xirka mashaariicda ay wada fuliyaan dowladda iyo kuwa sida gaar ah loo leeyahay,kaabayaasha dhaqaalaha iyo Tamarta.

Wafdiga waxaa dalka Uganda ku soo dhaweeyey mas’uuliyiinta safaarada Jamhuuriyada Federaalka ah ee Soomaaliya oo uu hogaaminayay ku-simaha safiirka ahna Qunsulka safaarada Mudane Cabdiweli Cali Faarax iyo Xoghaya kuwaad Mudane Cali Khadar.

Tababarkan ayaa imanayaa xili mudooyinkii danbe ay aad u soo bateen Hay’adaha iyo Shakhsiyaadka daneynaya in ay maalgashadaan dalkeena hooyo, waxaana lagama maarnaam ah in la helo dad aqoon u leh maareynta mashaariicda iyo hishiisyada lala gelayo shirkadaha iyo cidii daneyneyso in ay maalgashadaan dalkeena Soomaaliya.
20150222_141849

20150222_141919

20150222_142029

20150222_142214

Sawirqaade:-Maxamed Yameni-Kampala-Uganada

Did you like this? Share it:

LEAVE A REPLY

Please enter your comment!
Please enter your name here