Mas’uuliyiin ka tirsan dowladda iyo IGAD oo gaaray Boosaaso “SAWIRRO”

0
3365

Madaxweynaha dowlad goboleedka Puntland Cabdiweli Maxamed Cali Gaas ayaa maanta magaalada Boosaaso kula kulmay  wefdi balaaran oo ka kala socday dawladda Federaalka Soomaaliya, dawladda Talyaaniga iyo urur goboleedka IGAD.

Wefdiga ayaa waxaa garoonka diyaaradaha ee Boosaaso ku soo dhoweeyey Xubno ka tirsan maamulka gobolka Bari, kan degmada Boosaaso iyo dadweyne kale oo ka kooban qaybaha kala duwan ee bulshada reer Boosaaso.

Cabdiweli Maxamed Cali Gaas ayaa sheegay in waftigu ay u yimaadeen ka qayb galka daah-furka dhammaystirka wejiga labaad ee garoonka caalamiga ee Boosaaso oo maalinta berri ah lagu qaban doono isla garoonkaasi munaasabad ballaaran oo lagu daah-furi doono mashruucaasi.

Madaxweynaha Puntland ayaa dawladda talyaaniga uga mahadnaqay taageerooyinka ay u fidiyeen Puntland, isla marahaantaane sheegay  in dawladda Talyaanigu ay tahay dawladda keliya ee Puntland ka hirgelisey mashaariicda ugu waawey tan iyo markii la’ aasaasay Puntland 1998-dii iyo xiliyidii sideetamaadkiiba, isla markaana sheegay in shacabka Puntland aanay iloobi doonin sida ay u garab is taagtey dawadda Talyaanigu.

Madaxweynaha Puntland, Danjiraha dawladda Talyaaniga u fadhiya Soomaaliya iyo xog-hayaha guud ee urur Goboleedka IGAD mudane Maxbuub Macalin ayaa si wada jir ah xarigga uga jaray waddo laami ah oo gaadheysa 2km oo isku xiri doonta Dekedda  iyo jidka soddonka oo ay maal-gelisey dawladda Talyaanigu.

IMG_6822 IMG_6826 IMG_6831  IMG_6839 IMG_6841 IMG_6844  IMG_6849     IMG_6866  IMG_6871 IMG_6872   IMG_6875 IMG_6876  IMG_6888   IMG_6897 IMG_6903  IMG_6922 IMG_6927 IMG_6928 IMG_6933 IMG_6935   IMG_6947  IMG_6950 IMG_6952 IMG_6956   IMG_6961 IMG_6967 IMG_6969 IMG_6972 IMG_6975

 

Did you like this? Share it:

LEAVE A REPLY

Please enter your comment!
Please enter your name here