Mas’uuliyiin ka tirsan Gobolka Banaadir oo kormeeray xarumaha ay ka socdaan Imtixaanaadka fasalka 8-aad+Sawirro

Mas’uuliyiin ka tirsan Maamulka Gobolka Banaadir oo ay Hoggaamineysay Guddoomiye ku-xigeenka Arrimaha Bulshada iyo Wacyi-galinta Marwo Basma Caamir Axmed (Jaketti) ayaa kormeer ku tagay Dugsiyada Hoose/ Dhexe ee Xaaji Xuseen Giire iyo Baarbe oo ku yaala Degmada Dharkeynley, kuwaasi oo lagu galayo Imtixaanaadka fasalka 8-aad ee shalay ka furmay Magaalada Muqdisho.

Agaasimaha Guud ee Amniga Caasimadda Axmed Xaaji Cabdikarin (KADIS) oo ka mid ahaa wafdiga ayaa sidoo kale u kuur galayey qorshaha lagu sii adkeynayo Amniga goobaha ay ka socdaan imtixaanka, asigoona ka mid ahaa ardeydii Bari samaadka wax ku soo bartey Dugsiyada la kormeerey maanta ee Giirre iyo Baarbe.

Arday gaareysa 26,494, oo wax ka barta Dugsiyada Gobolka Banaadir ee Caasimada Muqdisho, ayaa maalintii labaad u fadhiya Imtixaanka fasalka 8-aad oo markii ugu horeysay 30-sanadood kadib ay qaadeyso Maamulka Gobolka Banaadir iyo Dowladda Hoose ee Xamar.

LEAVE A REPLY

Please enter your comment!
Please enter your name here