Mas’uuliyiin ka tirsan Maamulka Gobolka Banaadir oo kormeeray Xarunta Dhul bixinta Dowladda Hoose+Sawirro

Guddoomiye ku-xigeenka Howlaha Guud ee Maamulka Gobolka Banaadir Enj.Cumar Cali Cabdi ayaa Maanta kormeeray Xarunta gadiidka iyo Dhul bixinta Dowladda Hoose ee xamar, halkaas oo ay ka socotay dayactir lagu sameeynayo xaruntaas.

Kormeerkan uu guddoomiye ku-xigeenka howlaha guud ee gobolka Banaadir ku tegay Xarunta gadiidka iyo Dhul bixinta Dowladda Hoose ee xamar ayaa waxaa ku wehlinayay agaasimaha waaxda dhulka ee Dowladda hoose ee Xamar Xasan Xaaji iyo sidoo kale agaasime ku-xigeenka howlaha farsamada Bashiir Shoobe,waxayna kormeer ku sameeyeen qeybaha kala duwan ee xarunta ay ka kooban tahay.

Mas’uuliyiinta maamulka gobolka Banaadir ayaa warbixin ka dhageystay howlwadeenada kala duwan ee ka shaqeynaya tayactirka xarunta gaadiidka ,iyagoo ku bogaadiyay shaqada ay hayaan,islamarkaana ku wargeliyay in ay dardar geliyaan.

LEAVE A REPLY

Please enter your comment!
Please enter your name here