Mas’uuliyiin kala duwan oo kormeeray dhismaha Xabsi laga hirgelinayo Gaalkacyo “SAWIRRO”

Mas’uuliyiin ka socday Hay’addaha Garsoorka Dowlad Gobaleedka Galmudug iyo Saraakiil ka socatay laamaha Amniga Heer Federaal ee ka howlgallaa Galmudug ayaa si wadajir ah kormeeray dhismaha Xabsiga Weyn ee laga dhisayo duleedka magaalada Gaalkacyo.

Masuuliyiinta oo ay ka mid ahaayeen Xeer Ilaaliyaha Maxkamadda Ciidamada Qalabka Sida Qeybtooda Galmudug Gaashaanle Sare Cabdullaahi Maxamed Muuse Keyse, Taliye Xigeenka Qeybta Booliska Gobalka Mudug Gaashaanle Maxamed Xasan Warsame, Guddoomiyaha Maxakamada gobalka Mudug Abuukaate Cabdirisaaq Cali Yuusuf ayaa intii ay kormeerkooda ku guda jireen waxa ay qeyb qeyb u kormeereen dhismaha Xabsiga hirgalintiisu ay haatan gaba gabada ku dhowdahay, iyagoo waxbixxinno ka dhageysatay Mas’uuliyiinta shirkadda ee wada dhismaha Xabsiga, kuwaas oo sheegay in muddo dhow lasoo gaba gabeeyn doono Dhismaha Xabsiga.

Gaashaanle Sare Cabdullaahi Maxamed Muuse Keyse Xeer Ilaaliyaha Maxakamada Cidamada Qalabjka Sida oo kormeerka kaddib la hadlay Warbaahinta Qaranka ayaa xusay in baahida weyn loo qabo dhismaha Xabsiga marka loo eego dambiyada ugu badan ee ka dhaca deegaannada Galmudug.

Taliye Kuxigeenkiisa Qeybta Booliska Gobalka Mudug Gaashaanle Maxamed Xasan Warsame iyo Guddoomiyaha Maxkamadda Gobalka Mudug ayaa bogaadiyay dardar gelinta dhismaha Xabsiga oo ay tilmaameen in baahi Weyn loo qabo.

LEAVE A REPLY

Please enter your comment!
Please enter your name here