Mas’uuliyiinta Safaarada Soomaaliya ee Kenya Oo Booqday Maxaabiis Soomaali ah oo Ku Xiran Xabsiga Kamiti ee Nairobi”Sawirro”

2055

Maxaabiistani soomaalida ah oo gaareysa 15 maxbuus,islamarkaana muda u dhaxaysa 5 ilaa 7 sano ku xirnaa xabsiyo kala duwan oo ku yaala gudaha dalkani kenya ayaa waxaa loo haystay falal burcad badeednimo ah, waxaana hada ay dhamaysteen intooda badan mudadii xukun ciqaabeedkoodu ahaa, waxayna hada ku jiraan Xabsiga KIMITI oo ku yaala duleedka magaalada Nairobi,halkaasi oo ay ku sugayaan diyaarinta safaradii ay dib ugu laaban lahaayeen dalkooda hooyo.

Mas’uuliyiin ka socday safaarada Soomaaliya ee dalkani kenya oo uu kamid ahaa sii-hayaha xilka safiirka Siyaad Maxamud Shire iyo xubno ka socday hay’adda qaramada midoobay u qaabilsan danbiyada ayaa maanta ku booqday maxaabiistan soomaalida ah Xabsigan ay ku jiraan.

Mas’uuliyiinta hay’adda qaramada midoobay u qaabilsan danbiyada iyo mas’uuliyiinta safaarada soomaalida ee dalkani kenya ayaa ka wada shaqaynayo sidii dib loogu celin lahaa dhalinyadan dalkooda hooyo, looguna fududeyn lahaa sharciyadii ay dib ugu socdaali lahaayeen.

Mas’uuliyiinta safaarada ayaa maxaabistan ka soo qoray magacyadooda si ay ugu fududeyso waraaqihii ay uga bixi lahaayeen dalka Kenya.

Qaar kamid ah maxaabiistan oo la hadlayey warbaahinta qaranka ayaa sheegay inay dhibaato farabadan la kulmeen mudadadii ay ku jireen xabsiyada kala duwan ee dalkani Kenya,haatana ay aad ugu faraxsanyihiin maadaama dib loogu celinayo dalkoodii hooyo.

IMG_0074 IMG_0075 IMG_0076 IMG_0077 IMG_0078 IMG_0079 IMG_0080 IMG_0081 IMG_0082 IMG_0083 IMG_0084 IMG_0085 IMG_0086 IMG_0087 IMG_0088 IMG_0089 IMG_0090 IMG_0094 IMG_0095 IMG_0097

Abdirahman Omar Abdi ( Abdirahman Somali )
Warbaahinta Qaranka
Nairobi Kenya  

Did you like this? Share it:

LEAVE A REPLY

Please enter your comment!
Please enter your name here