Maxaabiis ku xiran Xabsiga dhexe oo la guddoonsiiyay shahaadooyin kadib markii ay barteen xifrado kala duwan

Wasiirka Waxbarashada Xukumadda Federaalka ah ee Soomaaliya iyo Taliyaha Ciidanka Asluubta ayaa maanta ka qeyb galay xafalad shahaadooyin lagu Guddoonsiyaya maxaabiis ku xiran Xabsiga Dhaxe ee Xamar.

 

Maxabiistaan oo tiradooda gaareysa 38 ayaa waxay barteen xirfado kala  duwan oo ay ka mid tahay saxaafaddda iyo combiyuutar oo ay ka barteen iskuulka rajo ee ku dhaxyaal gudaha Xabsiga Dhex  ee Xamar.

Taliyaha Ciidanka Asluubta Soomaaliyeed Sareeye Guud Bashiir Maxamed Jaamac ayaa wax lagu farxo ku tilmaamay in maxaabiis lagu soo eedeyay dambiyo kala duwan. Taliska Ciidanka Asluubta ay baraan sagaal xirfadood oo mastaqbalkooda wax u tari kara.

Taliyaha ayaa ku dhira galiyay  maxbiista maanta shahdooyinka la guddoonsiyaya in ay ka waantooban dambiyada loo heesto, marka ay u dhamaato kiisaska ay u xiranyihiin.

Qaar ka mid ah maxaabiista maanta qalin jibiyay ayaa sheegay inay ku faraxsanyihiin in la baray farsamo gacanta ah oo ay ku shaqeysan karaan.

Wasiirka Waxbarashada ee Xukumadda Federaalka ah Soomaaliya Mudane Cabdullaahi Goodax Barre ayaa boogadiyay talaabada taliska Ciidanka Asluubta ay qaadeen oo ku aadan  Waxbarshada maxaabiista ku jirta Xabsiga dhexe ee Xamar.

Taliska Ciidanka Asluubta Soomaaliyeed ayaa waxaa bogaadiyay Madaxda Sare ee dalka talabooyinka horumarka leh ay ka wadaan ee ku aadan waxbaridda maxaabiista ku xiran xabsiga dhexe.

 

 

 

LEAVE A REPLY

Please enter your comment!
Please enter your name here