Maxakamadda ugu sareysa Masar oo ogolaatay in Sucuudiga lagu wareejiyo labo Jasiiradood oo muran ka taagnaa

1769

Dowladda Masar ayaa qorsheynaysa in Dalka Sucuudiga ay si rasmi ah ugu wareejiso Jasiirad in muddo ah uu muran ka taagnaa lahaanshiyeheeda,taasi oo khilaaf badan dhalisay.

Go’aan ay soo saartay Maxkamadda ugu sareysa dalka Masar ayaa meesha ka saartay dhammaan caqabadihii dhanka sharciga ee ka dhanka ahaa heshiis boqortooyada Sacuudiga loogu wareejiyay laba jasiiradood oo ku yaalla badda cas.

Wuxuu go’aankaasi uu imaanaya iyadoo lagu wado in dhaxal sugaha boqortooyada Sacuudiga, Maxammed Bin Salman, uu booqasho rasmi ah ku tago dalka Masar.

Heshiiska Jasiiradahan ayaa markii ugu horeysay lagu dhawaaqay sanaddii 2016,waxaana muran badan uu ka dhexdhaliyay shacabka iyo hay’adaha Dowladda Dalkaasi Masar.

Go’aanka ay xukuumadda Masar ugu wareejisay Jasiiradahan ayaa wax ka dhasay dibadbaxyo rashbado watay,iyadoo shacabka reer Masar ay muujiyeen sida ay uga soo horjeedaan talaabadaasi.

Waxaa sidoo kale go’aankan ka hor yimid caqabado dhanka sharciga ah iyo kiisas maxkamadaha la geeyay qaar kood,balse ugu dambeyntii maxakamadda ugu sareynsa Dalkaasi ayaa ogolaatay in lagu wareejiyo Sucuudiga Jasiiradaasi.

Jasiiradaha ay Masar ku wareejisay Sacuudiga ayaa lagu kala magacaabaa Tiiraan iyo Sanaafiir.

Hol hore ayaa Baarlamaanka Masar ansixiyey qorshe muran badan dhaliyey oo ku saabsan lahaanshaha laba jasiiradood oo aan cidiba ku noolayn loogu wareejinayo Sucuudiga.

Heshiiskan lahaanshaha jasiiradahan ku yaal Badda Cas oo la kala yirahdo Tiiraan iyo Sanaafiir, ayaa la gaadhay mar uu bishii Abriil 2016-kii Boqor Salmaan-ka Sucuudigu booqasho ku tagay Masar.

Heshiiskaasi wuxu Masar ka dhaliyey mudaharaadyo lama filaan ah oo lagaga soo horjeedo madaxweynaha dalkaasi oo ay dadku ku eedeeyeen inuu “iibiyey” jasiiradahaa oo uu ku bedeshay gargaar Sucuudigu siiyo.

Heshiiskaas ayaa dacwado lagu diidanyahay laga furay maxkamadaha Masar oo socday sannadkii hore ooo dhan. Laakiin baarlamaanku wuxu ku adkaystay in arrintaas ka go’aan gaadhideedu tahay mid uu isagu awood u leeyahay, xeerkaa uu baarlamaanku meel mariyeyna wuxuu haatan sugayaa uun in uu madaxwyne Cabdelfataax Al-Sisi ugu dambaysta saxiixo, si uu u hirgalo.

Dad badan oo mudaharaadaya ayaa iskugu soo baxay xarunta ururka suxufiyiinta ee ku taal Qaahira markii go’aanka baarlamanka la shaaciyey. Dhawr qof oo ay ku jiraan weriyeyaal ayaana la xidhay.

Al-Sisi ayaa sheegay in weligoodba jasiiradahaa ay Sucuudigu lahaayeen laakiin ay sannadkii 1950-kii Sucuudigu Masar weydiisteen in ay ciidamo ilaaliya halkaa geyso.

Did you like this? Share it:

LEAVE A REPLY

Please enter your comment!
Please enter your name here