Maxamed Cali Ameeriko oo kulan soo dhaweyn ah loogu sameeyay Garoowe “SAWIRRO

Madaxweynaha Dawlad goboleedka Puntland Dr. Cabdiweli Maxamed Cali Gaas ayaa xalay casho sharaf u sameeyey Safiirkii hore ee Soomaaliya u fadhiyey Dalk Kenya Maxamed Cali Ameeriko oo booqasho ku tegay deegaannada Maamulka Puntland.

Xafladda cashada ayaa waxaa ka soo qeyb-galay mas’uuliyiin kala duwan oo ka tirsan Maamulka Puntland.

Cabdiweli Maxamed Cali Gaas ayaa Safiirkii hore ee Soomaaliya u fadhiyey Dalk Kenya Maxamed Cali Ameeriko ku amaanay howshii uu soo qabtay , waxaana sidookale uu uga mahadceliyey booqashada uu ku tegay Puntland.

Cabdiweli Gaas ayaa sidookale tilmaamay inay muhiim tahay in marwalba si sharafleh loogu abaal gudo , loona soo dhaweeyo muwaadinkasta oo xil soo qabta , isla markaana ka soo baxa waajibadkii loo idmaday.

Mudane Maxamed Cali Ameeriko ayaa dhankiisa si aad ah uga mahadceliyey sida loogu soo dhaweeyey Puntland, waxaana uu ku amaanay Nabadda iyo kala dambeynta kajirta.

Ugu dambeyn Madaxweynaha Dawlad goboleedka Puntland Dr. Cabdiweli Maxamed Cali Gaas ayaa hadiyado qaali ah guddoonsiiyey Safiirkii hore ee Soomaaliya u fadhiyey Dalk Kenya Maxamed Cali Ameeriko .

IMG_5367 IMG_5373 IMG_5382 IMG_5421 IMG_5490 IMG_5499 IMG_5518