Maxkamad ku taala Jarmarlka oo xukunno ku ridday rag ka tirsan Shabaab

0
2426

Maxkamadda ugu sarraysa magaalad Frankfurt  dalka Jarmalka ayaa ku xukuntay Xabsiyo kala duwan, shan Nin oo la sheegay inay ka tirsanaayeen ururka Al-shabaab ee xiriirka la leh Al-qaacidda.

Raggaan oo dhammaantood haysta dhalashada Jarmalka, ayaa muddo lagu hayay xabsiga, iyadoo ugu dambeyn ay maxkamaddu ku xukuntay xabsi u dhexeeya saddex sano iyo bar illaa shan sano.

Xubnahan la xukumay oo walaalo ahaa ayaa waxay kala yihiin; Cabdullaahi, Cabdisalaan iyo Cabdul waaxid Warsame oo asal ahaan Soomaaliya iyo Steven N oo uu midkood u ahaa seeddi iyo sidoo kale Mounir T oo isna ka soo jeeda Tuuniisiya.

Raggan ayaa la sheegay inay ku noolaayeen Magaalada Bonn ee caasumadda dalka Jarmalka,waxanay sannadkii 2012-kii u safreen Kenya, iyagoo uga sii gudbay dhanka Soomaaliya , waxanay qaarkood wateen xaasaska iyo carruurta.

Maxkamadda ayaa laga hor-sheegay in raggan ay qaateen tababar dhawr bilood socday, kaddibna ay billaabeen inay la hawl-galaan mintidiinta Al-shabaab, balse ay sannadkii 2014-kii kasoo tageen Soomaaliya.

Saddex Raggan ka mid ah ayaa la sheegay inay la xiriireen safaaradda Dalka Jarmalka ee Nairobi, halka labada kalena la xiray markii ay dib ugu laabteen magaalada Frankfurt ee dalka Jarmalka.

Maxkamadda Frankfurt ayaa sheegtay in Abdiwahid W, iyo Mounir T, oo ragga la xukumay ka mid ah inay doonayeen inay u safraan Dalka Suuriya, si ay ugu biiraan ururka Daacish ee ka dagaallama waddamada Suuriya iyo Ciraaq.

Did you like this? Share it:

LEAVE A REPLY

Please enter your comment!
Please enter your name here