Maxkamada Ciidamada oo soo saartay xukunka kiiskii dilka gudoomiyihii degmada Hodan.

Maxkamada Ciidamada Qalabka Sida ayaa soo saartay go’aan maxkamadeed oo ku aadan dilkii loo geystay Alle ha u naxariistee Gudoomiyihii Degmada Hodan Marxuum C/xakiim Dhagajuun.

Dhageysiga kiiska dilka Dhagajuun oo toos looga daawanay warbaahinta qaranka iyo mid madaxbanaan ayaa soo maray marxalado kala duwan , waxayna ugu danbeyn maxkamadu xukuntay in dilkaas uusan ahyn kutala gal balse uu ahaa shil dhacay.

Maxakamada Ciidamada Qalabka Sida ayaa Shan sano oo xabsi ciidan ah ku xukuntay Taliyihii saldhiga Howlwadaag Gashaanle Shuceyb Cabdi Maxamed madaama uu ka gaabiyey hogaaminta howlihiisa iyo in uu sahlay baxsadka mid ka mid ah ilaaladiisa , sidoo kale waxaa isna shan sano oo xabsi ciidan ah lagu xakumay Dable Bishaar Axmed Cabdi waxana sabab looga dhigay Taxadar la’aan iyo baxsashadiisa.

Sidoo kale waxaa min labo sano oo xabsi ciidan ah ayana lagu xakumay  Jamaal Isxaaq Cali , Dhiblaawe Ibraahim Yuusuf , Faarax Sabriye Afrax Iyo Kulmiye Kaariye Cali sida ku cad nuqul aan ka helnay Maxkamada Ciidamada Qalabka Sido oo ay Warbaahinta la wadaagtay.

Sidoo kale Maxkamada Ciidamada Qalabka Sido ayaa dhamaan eedeysanayaasha saartay bixinta Magta Marxuum C/xakiin Dhagajuun iyo mag dhaw siinta Ibraahim Abukar Cismaan iyo Liibaan Xasan Liibaan oo shilkaasi Dhaawac kasoo gaaray.

LEAVE A REPLY

Please enter your comment!
Please enter your name here