Maxkamadda ciidamada oo maanta ridday xukun dil ah

Maxkamadda ciidamada qalabka sida ee Soomaaliya ayaa maanta xukun dil ah ku ridday,  sadex xarigle xoogga dalka, Cumar Muxudiin Maxamuud oo lagu heley in uu dilay, Allah u naxariistee, Cabdulaahi Maxamed Xasan Abow, dilkaas oo ka dhacay degmada Boondheere 20 bishii September, sanadkii hore ee 2020.

Xafiiska xeer ilaalinta ee maxkamadda ayaa kiiska soo baaray ka dibna u soo gudbiyay maxkamadda 21 bishii November isla sanadkaas.

Maxkamadda ayaa dhageysatay eedda loo heystay eedeysanaha bishii December ee ina dhaaftay, iyadoo qareenada difaacayay eedeysanaha fadhiga maxkamadda ku soo bandhigeen doodooda.

Maanta ayaana maxkamaddu ku xukuntay dil toogasho ah, oo ah qisaasta qofkii uu dilay, sidoo kale maxkamadda waxaa ay sheegtay in muddo 30 cisho ah gudaheed uu qaadan karo racfaan.

LEAVE A REPLY

Please enter your comment!
Please enter your name here