Maxkamadda Ciidamada oo xukuntay Rag ka tirsan Argagixisada Alshabaab “Sawirro”

753

Maxkamadda Ciidamada qalabka sida ee Soomaaliyeed ayaa xukun ku riday labo katirsan maleeshiyada Alshabaab kuwaasi oo xafiiska xeer ilaalinta Ciidamada  Qalabka Sida uu ku soo eedeeyay in ay ka tirsanaayeen Nabad diidka Alshabaab. 

Sidoo kale Raggan Maxkamadda lasoo taagay ayaa maleeshiyada u qaabilsanaa tuurista Bambooyinka iyo kireynta guryaha ay degaan  maleeshiyada oo magaalada dhexdeeda ku yaalla.

Labadaan nin ee maanta Maxkamadda Ciidamada Qalabka sida ee Soomaaliyeed ayaa lagu kala magacaabaa Xuseen Daa’uud Cali oo 23 sano jir ah iyo Cabdullaahi Maxamed Axmed oo 34 sano jir ah.

Gaashaanle Sare Xasan Cali Nuur Shuute, guddoomiyaha Maxkamadda Darajada koowaad ee Ciidamada Qalabka Sida ayaa u akhriyey Xukunka Warbaahinta.

G/sare Shuute ayaa sheegay in Maxkamadda Ciidamada Qalabka sida ay ku kala xukuntay eedeysaneyaashan:-

1- Xuseen Daa’uud Cali ayaa waxaa lagu xukumay 15 sano oo Xabsi Ciidan ah.

2- Cabdullaahi Maxamed Axmed oo 34 sano jir ah ayaa isna waxaa lagu xukumay 1 hal sano oo Xabsi Ciidan ah. 

Xukunsanayaasha ayaa heysta Fursad kale oo ay ku dalban karaan Rafcaan hadii aysan ku qancin xukunka Maxkamadda Darajada koowaad, si loogu gudbiyo Maxkamadda Sare ee Ciidamada Qalabka sida.

 

Did you like this? Share it:

LEAVE A REPLY

Please enter your comment!
Please enter your name here