Maxkamadda ciidamada qalabka sida oo xafiisyo cusub ka furan doonto goobaha laga saaray Al-Shabaab

Gaashaanle dhexe Xasan Cali Nuur Shuute guddoomiyaha Maxakamada darajada koowaad ee ciidanka qalabka sida ee Soomaaliya oo wareysi siiyay Radio Muqdisho ayaa faah faahin ka bixyaay qorshaha  maxakamadda ciidamada qalabka sida ee Soomaaliya uga degsan deegaanadii dhawaan laga saray kooxda shabaab.

Xasan Cali Nuur Shuute ayaa sheegey in maxakamaddu ay wado qorshayaal iyo dadaalo ku aadan sidii deegaanadii dhawaan laga saaray kooxda Shabaab looga hirgelin lahaa xafiisyo ay leedahay Maxakamadda si shacabku ay u helaan xukun cadaalada ah.

“ Ugu horeyntii maxakamada ciidamada qalabka sida waxay ugu hambalyaynaysaa guulihii ciidamadu ay ka gaareen dagaalka ay kula jiraan kooxda Shabaab, sida nafhurnimada ah oo ay nabad diidku ay ula dagaalamayaan, intaasi marka laga gudbo waxaa maxkamaddu ay wadaa howlaheeda shaqo ee ku aadan sidii shcabka degan deegaanadii kooxdaasi laga saaray ay u heli lahaayeen amaanka buuxa”.ayuu yiri Xasan Shuute.

Dhanka kale maxakamada ciidamada qalbka sida ee xafiiskeeda gobolka Hiiraan ayaa raashin dhawaan kooxda shabaab ay ka dheceen ganacsato ay ku wareejiyeen milkiilihii lahaa, kaddib  markii ciidamada xoogga ay ka soo furteen kooxdii dhaca u geystay raashinka.

LEAVE A REPLY

Please enter your comment!
Please enter your name here