Maxkamadda ciidamada qalabka sida qeybta 27-aad oo xakun ku riday horjooge ka tirsanaa Al-Shabaab “SAWIRRO”

Maxkamadda ciidamada qalabka sida ee Soomaaliya qeybta 27-aad ayaa maanta ku xukuntay 15 sano oo xabsi ah kaddib marki lagu helay in uu kamid yahay horjoogayaasha maleshiyada Al-Shabab ee caadeysatay daadinta  dhiiga Ummadda  Soomaaliyeed.

 

Guddoomiyaha Maxkamadda ciidamada qalabka sida qeybta 27-aad Maxamed Cabdule Aadan ayaa xukunka ku dhawaqay, isagoo shaaciyay in horjooge Maxamed Nuur Aadan uu maxkamadda ka hor qirtay in uu ka midyahay maleeshiyaadka Al-Shabaab.

“Dood dheer kadib Maxkamadda ciidamada qalabka sida qeybta 27-aad waxaa u cadaatay in eedeysanaha ay ku caddahay dambiga lagu soo oogay, waxa ayna Maxamed Nuur kala wareegtay Bustoolad Teetee ah, isla markaana ku xakuntay 15 sano oo xabsi ciidan ah” ayuu yiri Guddoomiyaha Maxkamadda ciidamada qalabka sida qeybta 27-aad.

Maxamed Nuur Aadan oo kamid ahaa horjogayaasha  qeybta sahanka  ee amniyaadka maleeshiyada Al Shabaab ayaa waxa uu ka qeyb qaatay qarajinta muwadinin Soomaaliyeed iyo waliba waxa uu fududeyay  qarax lagu weraray ciidamada AMISOM ee Hiil Walaal oo saldhig cidan kuleh xaafadda Howlwadag ee magalada baledweyne.

Maxkamadda ciidamada qalabka sida qeybta 27 ad ayaa maalmahan  waday dhageysiga  eedeynta loo soo jeediyay Maxamed Nuur Aadan oo lagu helay in uu ka mid yahay  horjoogayaasha maleeshiyada Al-Shabaab.

 

LEAVE A REPLY

Please enter your comment!
Please enter your name here