Maxkamadda dajarada kowaad ee CQS oo xukunno dil iyo xarig ku ridday Shabaab “Dhageyso+Sawirro”

3174

Maxkamadda darajada koowaad ee ciidamada qalabka sida ee Soomaaliya ayaa maanta xukunno dil iyo xarig ah ku ridday maleeshiyaad ka tirsan Kooxda UGUS, kaddib markii ay maanta dacwadooda dhageysatay.

Maxkamadda oo u fadhiisatay dacwad ciqaabeed loo haystay afar eedeysane oo xeer ilaalintu ku eedeysay inay ka tirsanyihiin maleeshiyada Al-Shabaab, isla markaana ay u qaabilsanaayeen dilalka qorsheysan ee magaalada ayaa lagu kala magacaabaa Cabdiqani Bashiir Axmed, Axmednuur Maxamed, Maxamed Bootaan Shidane iyo Yuusuf Maxamed Fiidow.

Gaashaanle Dhexe Xasan Cabdiramaan Aadan oo ah kaaliyaha Maxkamadda ciidamada Qalabka Sida ee Soomaaliya ayaa tilmaamay in Maalintii bishu aheyd 22.4.2015 ay Maxkamadda darajada kowaad ee ciidamada qalabka sida u fadhiisatay dacwad ciqaabeed loo kala heystay eedeesanayaashan.

Cabdiqani Bashiir Axmed iyo Axmednuur Maxamed waxa ay xafiiska xeer ilaalinta ku soo eedeeyay inay ka tirsanaayeen kooxda UGUS, isla markaan ay dil barer ah u geysteen marxuum Guuleed Maalin Maxamed oo ka tirsanaa ciidanka ilaalinta deegaanka Xamar, iyadoo maanta lagu xakumay dil toogasho ah sida uu Warbaahinta Qaranka u sheegay Gaashaanle Dhexe Xasan Cabdiramaan Aadan.

“Gacan ku dhiigle Shabaab Cabdiqani Bashiir Axmed iyo gacan ku dhiigle Shabaab Axmednuur Maxamed waxa ay maxkamadda ku xakuntay dil toogasho ah, kaddib markii ay ku cadaatay falkii dilka ah ee ay u geysteen marxuum Guuleed Maalin Maxamed” ayuu yiri Gaashaanle Dhexe Xasan Cabdiramaan.

Maxamed Bootaan Shidane waxa ay maxkamadda ku xakuntay 15 sano oo xabsi ciidan ah, waxayna dowladda la wareegtay 3-qori AK47 iyo hal qori oo RPG ah, kuwaasi oo lagu soo qabtay.

Yuusuf Maxamed Fiidow oo ka mid ahaa afartii ay maanta maxkamadda la horgeeyay ayaa waxa ay amartay in lagu sameeyo dhaqan celin, maadaama ay ku cadaatay in uu xubin ka ahaa maleeshiyada Al-Shabaab.

cod maxkamada ciidamada qalabka sida

vlcsnap-2015-04-25-12h56m31s194 vlcsnap-2015-04-25-12h56m43s105 vlcsnap-2015-04-25-12h56m52s218 vlcsnap-2015-04-25-12h57m05s95 vlcsnap-2015-04-25-12h57m28s66 vlcsnap-2015-04-25-12h57m35s137 vlcsnap-2015-04-25-12h58m31s184 vlcsnap-2015-04-25-12h58m52s138 vlcsnap-2015-04-25-12h58m58s202

Did you like this? Share it:

LEAVE A REPLY

Please enter your comment!
Please enter your name here