Maxkamadda sare ee Galmudug oo ku baaqday in wax laga qabto kooxo dhigta jid-gooyooyin

784

Maxkamadda sare ee maamulka Galmudug ayaa ka hadashay baahida loo qabo sidii wax looga qaban lahaa kooxo burcad ah oo jid gooyooyin dhigta deegaanno ka tirsan maamulkaasi.

Gudoomiyaha maxkamadda sare ee maamulkaasi Sheekh Axmed Sheekh Yuusuf Jimcaale “Ilka dahab” ayaa sheegay in loo bahan yahay in meel looga soo wada jeesto sidii loo soo afjari lahaa kooxahaasi, islamarkaana wax looga qaban lahaa dhibaatooyinka ay u geystaan dadka musaafirka ah.

”Ilkadahab” ayaa maamulka iyo bulshada Galmudug ku dhiirigeliyay inaan loo kala harin sidii wax looga qaban lahaa kooxahaasi, isagoo ka hadlay cuquubada ka dhalan karta waxa uu ugu yeeray fidnada ay wadaan kooxahaasi.

Hadalkan ka soo baxay gudoomiyaha maxkamadda sare ee maamulka Glmudug ayaa imaanaya xilli ay socdaan dadaallo lagu soo afjarayo isbaarooyin yaala deegaanno hoos yimaada maamulka Galmudug.

Did you like this? Share it:

LEAVE A REPLY

Please enter your comment!
Please enter your name here