Meleteriga Ciraaq oo la wareegay magaalada Faluuja

1711

Ciidamada Meleteriga dalka Ciraaq ayaa si buuxda ula wareegay magaalada Faluuja kaddib markii ay ka saareen maleeshiyaadka Daacish.

Magaaladda Fallujah oo 50Km u jirta caasimada dalkaasi ee Baqdaad ayaa sanado badan kaddib waxaa laga taagay calanka Ciraaq oo lagu xiray waddooyinka magaaladaasi.

R/wasaaraha Ciraaq Haider al-Abadi oo khudbad ka jeediyay telefishenka dalkaasi ayaa xaqiijiyay in ciidamadu si buuxda ula wareegeen magaalada Faluuja  waxuuna intaasi raaciyay in magaalada ay ku harsan yihiin koox yar oo Daacish ah, islamarkaana saacadaha soo socda la nadiifin doono magaaladda.

Khudabada uu jeediyay R/wasaaraha Ciraaq ayuu ku sheegay in magaalada Mosul ay noqon doonto meesha labaad ee laga saaridoono maleeshiyaadka Daacish .

Meleteriga Ciraaq ayaa la wareegay magaalada  Fallujah kaddib Afar todobaad oo dagaal ka socday, waxaana magaaladaasi ka muuqda burbur baaxad leh.

 

Did you like this? Share it:

LEAVE A REPLY

Please enter your comment!
Please enter your name here