Midowga Afrika oo beeniyay in ciidamada AMISOM ay ka soo baxeen deegaanno ka tirsan G/SH/Hoose

0
903

Wakiilka gaarka ah ee Midowga Afrika ee AMISOM Danjire Maman Sidikou ayaa waxba kama jiraan ku tilmaamay hadalada ay baahinayaan Warbaahinta qaar ee ku aadan in ciidamada AMISOM iyo kuwa Dowladda ay ka soo baxeen deegaanno ka tirsan Gobolka Shabeelaha Hoose.

War-saxaafadeed ka soo baxay xafiiska Danjire Maman Sidikou ayaa lagu sheegay inay tahay war been abuur ah oo ku saabsan in ciidamada AMISOM iyo ciidanka dowladda ay soo faarujiyeen fariisimo ay ku lahaayeen deegaanno ka tirsan gobolka Shabeelaha Hoose.

Mr Sidikou ayaa xusay in AMISOM iyo ciidanka xoogga dalka Soomaaliyeed ay gacanta ku hayaan 80% Koonfurta iyo bartamaha Soomaaliya, isla markaana ay wadaan qorsheyaal cusub oo la dooanayo in guud ahaan dalka looga sifeeyo maleeshiyaadka Al-Shabaab.

Wakiilka gaarka ah ee Midowga Afrika ee AMISOM Danjire Maman Sidikou ayaa ku booriyay shacabka Soomaaliyeed inaysa dhaq jalaq u siin wararka been abuurka ah ee lagu waxyeeleynayo guulaha ciidamada wadajirka ah.


 

Did you like this? Share it:

LEAVE A REPLY

Please enter your comment!
Please enter your name here