Midowga Yurub oo ku baaqay in laga saaro ciidamada ajaanibta ee ku sugan Liibiya

Sida lagu sheegay War_ saxaafadeed ay si wadajir ah usoo saareen Ururka Midowga Yurub,ayaa loogu baaqay dhammaan dhinacyada ku lugta leh dagaalka Liibiya in ay so af jaraan howlgallada Millateri  ayna dhiirigeliyaan wada hadallada nabadda ee dalkaas.

Qoraalkan ayaa waxaa ku saxiixnaa Madaxa siyaasadda Midowga Yurub Josep Borrell iyo wasiirrada arrimaha dibadda dalalka Faransiiska, Jarmalka iyo Talyaaniga.

War_saxaafadeedka ayaa sidoo kale loogu baaqay dhammaan dalalka ay ciidamadu ka joogaan Liibiya in ay kala baxaan dalkaas.

Dowladda Masar ayaa isniintii ku baaqday xabbad joojin dhammaan dhinacyada isku haya dalka Liibiya, waxaana ay ballan qaaday in ay qaban doonto shir weyne nabadeed oo lagu xallinayo mushkiladaha dalka Liibiya.

Si kastaba qoraalka Midowga Yurub ayaa lagu qeexay axdiga Qaahiro in uu dhiirigelinayo joojinta dagaalka dibna u billaabayo wadahadallo lagu gaarayo xabbad joojin qeyb ka ah hannaankii Baarliin.

Sannadki lasoo dhaafay shirar waa weyn ayaa lagu qabtay caasimadda dalka Jarmalka si loo gaba gabeeyo dagaalka Liibiya waxaana ka qeyb galay Waddamada Faransiiska, Jarmalka, Talyaaniga iyo Boqortooyada Ingiriiska.

 

LEAVE A REPLY

Please enter your comment!
Please enter your name here