Mu’asasada SAFA oo deeq lacageed  gaarsiiyay dad  naafo ah-Sawirro

0
1232

Dad tabaalaysan oo iskugu jira naafo,Agoon ,iyo waayeel ayaa maanta deeq lacaga oo kamid timid labo ruux oo muxsiniin Soomaaliyeed loogu qaybiyay degmada Cabdulcasiis ee magaalada Muqdisho.

Deeqdaan oo uu soo gaarsiiyay wakiilna ka ahaa  Sheekh Bashiir Axmed gudoomiyaha haya’ada culimida Soomaaliyeed ayaa waxaa qaybiyay oo gudoomay Mu’asasada SAFA ee dacwada iyo horumarinta ,waxaana ay dhamayd deeqdan 11500 $ ( Kow iyo Toban Kun iyo Shan boqol oo doolar) waxaana 10 Kun oo dolar soo dhiibay shaqsi diiday magaciisa in la sheegin iyo Axmed Xaaji Maxamed Caynte.

Sheekh Maxamed Muuse Maxamed  gudoomiyaha Mu’asasada SAFA ee dacwada iyo horumarinta oo gudoomay deeqdaan lacagta ah ayaa insa meesha ka sheegay inay soo gaartay lacagtan ,sidoo kalena  ay sii gaarsiiyeen dadkii Mudnaa in la gudoonsiiyo oo ah naafo iskugu jira curyaamiin ,indhoolayaal, agoon iyo dad waayeela oo aan shaqaysan Karin oo aad u liita.

Mulkiilaha Hotelka India Ocean Maxamuud Xareed Dhagay oo ah madasha qaybinta lagacatu ka dhacay ayaa shaaciyay inay waqaf u tahay cidkasta oo ilaahay dartiis wax u bixinaysa inay madashan ku qabsan karaa oo ay u yihiin fasax uga tabarucay Hotelkiisa, sidoo kale gudoomiyaha degmada Cabdulcasiis Cismaan Muxuyadiin oo isna madashan ku sugnaa ayaa sheegay in xalay lagu wargeliyay  isla markaana uu diyaariyay ciidamo amaanka suga  isagoona balan qaaday meel kasta oo dad tabaalaysan lagu gargaarayo inuu gacan weyn ka gaysto ka maamul ahaan.

Ugu danbayntii Maxamed Axmed Sheekh Maxamuud  oo qof arag la’a oo kamid ahaa dadkii loo qaybiyay lacagtan oo qofkiina ku soo aaday $100 ayaa si weyn uga mahadceliyay deeqdan lacageed oo ay ugu deeqeen labo ruux oo muxsiniin Soomaaliyeed oo walaalahooda oo ula baxay Zako ahaan.

IMG_9151 IMG_9153 IMG_9155 IMG_9156 IMG_9161 IMG_9165 IMG_9173 IMG_9187 IMG_9190 IMG_9195 IMG_9198 IMG_9201 IMG_9202 IMG_9206 IMG_9213

Did you like this? Share it:

LEAVE A REPLY

Please enter your comment!
Please enter your name here