Mudanayaal ka tirsan Baarlamaanka Puntland oo shir nabadeyn ah la yeeshay beelo dagaallamay

Xildhibaanno ka tirsan Baarlamaanka Puntland ayaa magaalada Qardho shir kula yeeshay waxgarad iyo aqoonyahanno kasoo jeedo deegaankaas, kulankaas ayaa ula jeedjiisu ahaa sidii xal waara looga gaari lahaa colaad deegaankaas ku dhexmartay beelo walaalo ah oo halkaas wada dega.

Xildhibaanada oo ilaa todobaadkii lasoo dhaafay ku sugnaa deegaankaas ayaa waxay kala yihiin,  Ayaanle Gallan Guuleed , Sidiid Daahir Qodax,  Maxamed faarax Aadan , Eng Jaamac Faarax Aadan, muddadii ay halkaas joogeen waxay shirar nabadayn ah ku qabteen deegaanno hoostaga degmada Qardho ee gobolka Karkaar iyo degmada Dhahar ee gobolka Hayland.

War-saxaafadeed laga soo saaray kulankaas ayaa lagu sheegay in  Xildhibaannadu ay u sii gudbi doonaan Degmooyinka,  tuulooyinka iyo baadiyaha  Labada Beelood ay  degaan si ay uga bilaabaan wacyi gelin ku aadan xoojinta Nabadaynta si  loo WACYI geliyo dad weynaha labada beelood, Arrintaas oo ay aad u soo dhoweyeen dadkii ka soo qaybgalay Kulankaas. Waxayna odayaasha iyo aqoonyahannada deegaanku sheegeen  inay diyaar u yihiin ka shaqaynta nabada deegaanka.

Kulankaan ayaa daba joogay shirar ay Xildhibaanadu horay ugu qabteen deegaanadaas taariikdu markay ahayd 29 August__04 Semtemper/2015,  shirarkaas oo dhammaantood looga gol lahaa xallinta colaado sokeeye oo deegaankaas marar badan kusoo noqnoqday, basle hadda u muuqda in lasoo afjaray.

 

 

Taliyaha ciidanka xoogga dalka Soomaaliyeed Sareeyo Gaas Maxamed

LEAVE A REPLY

Please enter your comment!
Please enter your name here