“DAAWO”Mudanayaasha Baarlamaanka oo ka dooday Caqabadaha haysta Xawaaladaha Soomaaliyeed Ee Mareykanka

1334

Baarlamaanka Soomaaliya ayaa Maanta waxaa uu Dood ka yeeshay Caqabadaha Xawaaladaha Soomaaliyeed ka haystay la shaqeynta Bangiyada Dalka Mareykanka oo iyagu dhawr mar joojiyay Wada shaqeynta ay la leeyihiin Xawilaadaha Soomaalida waxaana arintaas walaac ka muujiyay Bulshada Soomaaliyeed Dalka iyo Dibada.

Xildhibaan ka tirsan Baarlamaanka Somalia ka tirsan ayaa waxaa ay soo Gudbiyeen in Baarlamaanku arintaas ka doodo Waxaana ka mid ahaa Mudanayaashaas Xil Maxamed Cabdi Xayir maareeye waxaana uu soo jeediyay in Madaxda Qaranka ay Dowladda Mareykanka kala hadlaan in arintaas laga hortago Maadaama ay tahay arin Saameyn weyn ku yeelan karta Bulshada Soomaaliyeed in badan oo ka mid ah Go.aanka uu gaaray Bangigii la shaqeynayay Xawilaadaha Soomaaliyeed uu Gaaray.

Sareeye Gaas Bashiir Maxamed Jaamac ayaa waxaa uu ka sheegay Baarlamaanka Hortiisa in Arintaani ay tahay mid qalbiga iyo Dareenka Baarlamaanka Taabaneysa isla markaas waxaa uu ka Codsaday Gudoonka iyo Xildhibaan in Cod Aqlabiyad ah ay ku taageeraan Arintaas isla markaas si wada jir ah loogu kaco sidii looga hortagi lahaa.

Dhinaca kale Mudanayaasha Baarlamaanka ayaa waxaa ay warbixintoodii ugu horeysay ka dhageysteen Gudiga la dagaalanka Musu qmaasuqa iyo ilaalinta Hufnaanta Xildhibaanada Xildhibaan Cabdi Samad Macalin Maxamuud oo ah Gudoomiyaha Gudigaasi ayaa waxaa uu ka horsheegay Baarlamaanka in Howsha Gudiga ay meel wanaagsan mareyso Howlihii loo Igmadayna uu hayo Gudigu.

Did you like this? Share it:

LEAVE A REPLY

Please enter your comment!
Please enter your name here