Munaasabad ku saabsan dhiso dalkaaga oo xalay lagu qabtay Muqdisho “SAWIRRO”

Ujeedka munaasabadan ayaa aheyd seddax qodob , oo kala ah daah-furka mashruuca dalkaaga ku dhiso 1$ AMA 22 oo shilinka Soomaaliga ah, Casha sharaf loo sameeyay  qurba Joogta Soomaaliyed ee Dalkooda hooyo dib ugu soo laabatay iyo Taliska Ciidanka Booliska Soomaliyed oo laba gaadid dab damis ah iyo 1 Booyad oo biyaha xambaarta ku wareejisay Dowlada Hoose ee Xamar waxaana Munaasabada kaso qeyb galay Madaxweyna Jamhuuriyada Fedraalka soomaliya Mudane Xasan Sheekh Maxamuud, Wasiiro Xilibaanno, Taliyeyaasha laamaha amniga Qaranka iyo sidoo kale ururada Bulshada Rayidka.

Qaar kamid ah ka qeyb galayaasha  munaasabadda  oo halkaasi ka hadlay waxey taageeren mashruuca dalkaaga kudhiso 1 doolar, iyagoo sheegay iney door ka qaadan doonan dib udhiska dalkooda.

Guddoomiyaha Gobalka Banaadir ahna Duqa magaalada Muqdisho Mudane Yuusuf Xusen Jimcaale Madaale waxa uu goobta ka sheegay  in mashruucan uu yahay kan ugu sahlan uguna waxtarka badan, isla markana lagu horumari karo Caasimadda dalka.

Sidoo kale Duqa Magaalada Muqdisho ayaa 150kun oo Dowlarka Mareykanka ah ku wareejiyay Guddiga dhismaha wadada Buula xubeey ee magaalada Muqdisho, waxaana lacagtaasi lagu wareejiyay maamulka Degmada iyo guddiga dhismaha waddada ay qeyb ka tahay lacagta laga helay dalkaaga hal doolar 1$ kudhiso,

Taliyaha Ciidanka Boliiska Soomaaliyed Sareya Gaas Maxamed Sheekh Xasan Xaamud ayaa dhankiisa soo dhaweeyay in Dowladda Soomaaliya ay ammaanka magaalada Muqdisho ku wareejisay Maamulka Gobalka Banaadir.

Wasiirka Dowlaha Arrimaha Gudaha iyo Federaalka  Mudane C/rashiid Maxamed Xidig ayaa ugu baaqay Warbaahinta Soomaaliyed in xiligaan ay u jiheystaan baahinta horumarka dalka ka socda si bulshada ay u aragto waxtarka dalkooda.

Wasiirka Warfaafinta, dhaqanka iyo Dalxiiska ee Xukuumadda Soomaliya Mudane Maxamed Cabdi Xayir Maareeye ayaa sheegay in magaalada Muqdisho ay tahay Muraayadda dalka iyo dadka Soomaaliyed,  loona baahanyahay in laga qeyb qaato horumarinteeda sidoo kale waxuu Wasiirku balan qaaday in maalin kaste  isaga iyo qoyskiisu ay bixin doonan 1doolar si dalka loo dhiso.

Madaxweynaha Jamhuuriyada Fedraalka Soomaaliya  Mudane Xasan Sheekh Maxamuud oo halkaasi qudbad ka jeediyay ayaa aad uga hadlay arrimaha amniga, waxa uu Madaxweynuhu sheegay  in haatan ay ciidamada qalabka sida ee Soomaliya  ay duulan ku yihiin fariisamaha ay maleeshida Al-shabaab ku lee yihiin dalka, isagoo ka dalbaday  bulshada iney  gacan siiyan Ciidamada qalabsida si loo ciribtiro argagixisada.

Sidoo kale Madaxweynaha oo amniga ka hadlay waxa  uu ku baaqay  in aan la damiinanin ama aan laga daba tagin dadka lagu tuhmayo argagixisada oo kujira gacanta laamaha amniga, si loo kala caddeeyo eedeymaha loo heysto.

Madaxweynaha Soomaliya Mudane Xasan Sheekh Maxamuud ayaa sheegay in Dowladda dhaxe ay ku talaabsatay Horumar badan oo haatan ka muuqdo dalka sida siyaasadda amniga iyo horumarinta adeegyada bulshada.

943989_1695966427308776_6452805184462557464_n 1929821_1695964700642282_1058304486089468020_n 11032365_1695964783975607_5357143853185833907_n 12417782_1695966383975447_8920384879957064276_n 12418071_1695964480642304_7433793676451625364_n 12439095_1695964203975665_7471118829718381836_n 12439299_1695965723975513_3132501560484852959_n 12494776_1695967383975347_7167346320603650342_n 12512723_1695967167308702_6057035407700016546_n 12524398_1695966037308815_8705409154723346822_n 12592269_1695965063975579_8476179490318891379_n 12801558_1695965213975564_7670980392821862867_n 12832522_1695964937308925_5296267230744172542_n 12919650_1695966467308772_5976862186759977090_n 12920475_1695964573975628_3795322373380422216_n 12924527_1695963673975718_2192333150641612521_n 12931046_1695964387308980_1186098877249429007_n 12932606_1695966610642091_817124168127052835_n 12932643_1695967413975344_2695558865669468878_n 12932901_1695965747308844_5968300172611433030_n 12932932_1695964867308932_543718038241301822_n 12933005_1695965340642218_3802144780281884865_n 12933137_1695966930642059_5662917643410844511_n 12936716_1695966787308740_8675214959776897333_n

LEAVE A REPLY

Please enter your comment!
Please enter your name here