Munaasabad lagu furayay Masjid wayn oo lagu qabtay Galdog0b (Sawiro)

882
fgfgfgGaldogob. Munaasabadaani oo ay soo abaabushay Mu’assasada AlMinhaaj ayaa waxaa kasoo qayb galay Maamulka Degmada, Culumada, Golaha Guurtida, Waxgaradka, Ardayda, Haweenka iyo qaybaha kale ee bulshada Magaalada.

Munaasabada oo Hadalo qiima badan lagasoo jeediyay ayaa dhamaan Dadwaynihii ka hadlay waxaa ay soo dhaweeyeen Masaajidkaan Cusub iyaga oo ilaahay uga Baryay cidii dhistay inuu ka ajar siiyo.

Masaajidka ayaa waxaa dhistay Marwo Xaawo Warsame Galayr oo ka timid Qurbaha.

Masjidka ayaa waxaa loo dhisay  si casri ah waxaana uu leeyahay dhamaan Qaybihii kala gadisnaa ee loo baahi qabay, wuxuu leeyahay Qaybta Dumarka gaarka u ah iyo meherado lagu fududeeyo adeegiisa.

Masjidka ayaa waxaa la rabaa in lagu mataaneeyo Madrasada Imaamu Shaafici oo kamid ah Madaarista ugu Ardayda badan Magaalada si ay Ardaydu uga faaidaystaan Xilyada aysan Diraasada lahayn ama Fasaxa ah Qur’aan akhrinta Salaadaha Sunada ah , Kutub Cilmi ah oo ay Akhristaan iyo Salaadii Faradka ahayd oo Aasaas u ah Acmaasha Masaajidka.

Madarasada Imaamu Shaafici oo hada ku jirta guryo kiro ah ayaa loo gaday dhulka masjidka ku hareeraysan, dhawaannaa waxaa la rajaynayaa in dhismeheedu bilowdo.

Dhamaan dadkii Munaasadaba kasoo qayb galay ayaa aad ugu faraxsanaa Masaajidkaan Cusub waxayna kusoo gabagabowday jawi qurux badan.

fgfg2

Xafiiska Warfaafinta ee Mu’asasada Al-Minhaaj (Galdogob)

Did you like this? Share it:

LEAVE A REPLY

Please enter your comment!
Please enter your name here