Munaasabad Lagu Muujiyay Doorka Dhalinyarada Gobolka Banaadir Oo Muqdisho Lagu Qabtay “Sawirro”

Ururka dhalinyarada gobalka Banaadir oo soo qaban qaabiyay munaasabada lagu xusayay  maalinta dhalinyarada Aduunka ayaa waxaa lagu qabtay  aqalka dowladda hoose ee Xamar iyadoo uu ka soo qeyb galay ku simaha gudoomiyaha gobalka Banaadir ahna gudoomiye ku xigeenka maamulka iyo maaliyada ee gobalka banaadir, qaar ka mid ah guddoomiyeyaasha degmooyinka gobolka, guddoomiyaha ururka dhalinyarada gobolka Fanaaniin iyo qeybaha kale duwan ee bulshada,

Howlka ay munaasabada ka socotay ayaa waxaa isugu yimid dhalinyaro badan oo ka qeyb qaadaneysay xuska maalinta dhalinyarada caalamka iyadoo goobta lagu soo bandhigay suugan ka hadleysa Wadaniyada.

Guddoomiyaha ururka dhalinyarada gobalka Banaadir Cabdikaafi Maxamuud Makaraan oo munaasabada ka hadlay ayaa sheegay in Dhalinyarada Soomaliyed ay haatan Door muuqda ka qaadanayan Nabada iyo dib u dhiska dalka.

Ku simaha guddoomiyaha gobolka Banaadir ahna guddoomiye ku xigeenka Maamulka iyo maaliyada ee gobolka Ismaaciil Macalin Cabdi Guure oo soo xiray munaasada ayaa Waxa uu sheegay in %65 Dadkeyna Soomaaliyeed  ay dhalinyara yihiin dhalinyaradana looga baahan yahay in si wadajir ah ay markale ay u muujiyaan doorki lagu yaqiinay.

12 bisha Agosto  sanadkasta waxaa caalamka laga xusaa maalinta dhalinyarada aduunka dhalinyarada Soomaliyed ayaa door muuqda oo aan la ilaabi Karin ka geystay Xurnimada Dalka iyo dadka Soomaliyed oo lagu xasuusto 13kii dhalinyaro ee SYL oo aas aaskodu waqti kale oo gaar ah la xuso sanad kaste.

 IMG_1820 IMG_1831 IMG_1832 IMG_1834 IMG_1836 IMG_1845 IMG_1848 IMG_1849 IMG_1856 IMG_1863 IMG_1864 IMG_1866 IMG_1869 IMG_1885 IMG_1883 IMG_1881 IMG_1879 IMG_1886 IMG_1889 IMG_1891 IMG_1893 IMG_1898 IMG_1901 IMG_1912 IMG_1917 IMG_1926 IMG_1928 IMG_1933

LEAVE A REPLY

Please enter your comment!
Please enter your name here